କାର୍ତ୍ତିକ ପୂର୍ଣ୍ଣିମା
କାର୍ତ୍ତିକ ପୂର୍ଣ୍ଣିମା
ଶରତ ଆକାଶେ
ଚନ୍ଦ୍ରମା ହସଇ
ପୂର୍ଣ୍ଣିମାରେ ଅହୋରାତି
କୁଆଁରୀ ମନରେ
ନୂଆ ଉନ୍ମାଦନା
ଦେଖି ଦେଲେ ଜହ୍ନରାତି !!୧!!
ବାର ମାସ ମଧ୍ୟ
ଶ୍ରେଷ୍ଠ ମାସ ଏହି
ଧର୍ମ କରି ଦିନରାତି
କୃଷ୍ଣ ନାମ ଜପି
ପୂଜିବ ପୟରେ
ଦେଇଣ ଭାବେ ଭକତି !!୨!!
କାର୍ତ୍ତିକ ପୂର୍ଣ୍ଣମୀ
ଆମ ସଂସ୍କୃତିର
ବୋଇତ ବନ୍ଦାଣ ରୀତି
ଯୁଗ ଯୁୁଗ ଧରି
ଚଳି ଆସୁ ଅଛି
ଅତୀତ ସ୍ମରଣ ଶ୍ମୃତୀ !!୩!!
ଆଜିର ଦିନରେ
ବାଣିଜ୍ୟ ବେପାରେ
ଯାଇଣ ସାଧଵ ପୁୁଅ
ବିଦେଶ ବେପାରୁ
ଆଣୁ ଥିଲେ କେତେ
ଛୁଟ୍ଟୁ ଥିଲା ଧନ ସୁଅ !!୪!!
ଝିଅ ବୋହୂ ମାନେ
ପଞ୍ଚୁକରେ ମିିଳି
ଚଉଁରା ମୂଳରେ ବସି
ମୁରୁଜ ପକାଇ
ଆଙ୍କନ୍ତି ସରାଗେ
ହୋଇ କେତେ ହସ ଖୁସି !!୫!!
ହବିିଶାଳୀ ମାନେ
ଜଗନ୍ନାଥ ଧାମେ
ପୁଣ୍ୟ କର୍ମ କରିଥାନ୍ତି
କାର୍ତ୍ତିକ ବ୍ରତର
ସମାପନ କରି
ସ୍ୱ ଗୃହକୁ ଫେରିଥାନ୍ତି !!୬!!
ଆମ ସଂସ୍କୃତିର
ଏହି ପରମ୍ପରା
ସବୁ ଠୁ ନିଆରା ଜାଣ
ଅତୀତ ଗୌରବ
ମନେ ପକାଉଛୁ
ଜଳେ ଡଙ୍ଗା ଭସାଇଣ !!୭!!
ସଂକୀର୍ତ୍ତନ ଚାଲେ
ମଠ ମନ୍ଦିରରେ
ହରି ଭକ୍ତି ପ୍ରେମେ ମଜି
ଦାନ ଦୟା ଧର୍ମ
କରେ ଯେଉଁ ନର
ମୁକ୍ତି ପାଇ ଥାଏ ଆଜି !!୮!!