ଭାରତ ମାତାର ବିଜୟ ଗାଥା

ଭାରତବର୍ଷର      ନୀଳ ଆକାଶରେ

      ମୁକ୍ତିର ତ୍ରିରଙ୍ଗା ଉଡେ଼

ଭାରତ ମାତାର      ବିଜୟର ଗାଥା

      ନିନ୍ନାଦିତ ଚାରିଆଡ଼େ ।

ଗାନ୍ଧୀ ଗୋପବନ୍ଧୁ    ନେହେରୁ ପଟେଲ

      ଏ ଦେଶେ ଜନମ ହୋଇ

ଅହିଂସା ମନ୍ତ୍ରରେ     ସ୍ଵାଧୀନତା ଦେଲେ

       ସବୁ ଦୁଃଖ ଭୁଲି ଯାଇ ।

ମନେ ପଡେ ଆଜି     ବୀର ସନ୍ତାନଙ୍କ

      ଦେଶ ପାଇଁ ବଳିଦାନ

ବନ୍ଧୁକ ମୁନକୁ       ଖାତିର ନ କରି

      କରିଥିଲେ ଆନ୍ଦୋଳନ । 

ଶେଷ ରକ୍ତ ବିନ୍ଦୁ   ଦେହେ ଥିବା ଯାଏ

     ଛାଡିବୁନି କଲେ ପଣ

ପରାଧିନତାର       ଶୃଙ୍ଖଳ ଚିଣ୍ଡାଇ

     ରଖିଲେ ଜାତିର ମାନ ।

ଲିଭିଛି ଆଜି ମୋ    ଦେଶ ମାତୃକାର

     ଆଖି ଲୁହ ଜଳଧାର

ବିଜୟ ତ୍ରିରଙ୍ଗା    ଉଡେ ଫର ଫର

    ଦିଶେ କେଡେ ମନୋହର।

ପ୍ରତି ବର୍ଷ ଆଶେ     ସ୍ଵାଧୀନତା ପର୍ବ

      ଉତ୍ସବରେ ଉଠୁମାତି

ଭାରତ ମାତାର      ବିଜୟର ଗାଥା

     ଶୁଣି ଥରି ଉଠେ ଛାତି।

ବିଭିନ୍ନତା ମଧ୍ୟେ       ଏକତା ମନ୍ତ୍ରରେ

     ଆମେ ସବୁ ଭାରତୀୟ

ବିକାଶ କରିବୁ      ଆମେ ଭାରତର

      ଦ୍ଵିଗୁଣିତ ହେବ ଆୟ ।