ମୋ ଜନ୍ମଦିନ

ଆଜି ଜନ୍ମ ଦିନ 

    ବିମୋହିତ ମନ

       ମନ ହୁଏ ଛନ୍ନ ଛନ୍ନ

ସାଙ୍ଗ ସାଥୀ ମେଳେ 

       ପାଳିବି ଉତ୍ସବ

         ଖାଇବୁ ନାନା ବ୍ୟଞ୍ଜନ !

ଖିରି ପିଠା ସାଥେ  

       ବୁଟ ତରକାରୀ

           ବାଣ୍ଟିବି ମୁଁ ସରାଗରେ

ମନ୍ଦିର ବେଢାରେ 

       ଜାଳିବି ଦୀପାଳି

          ମନାସିବି ଭକ୍ତିଭରେ !

     

ରାତିର ଉତ୍ସବ  

       ଆନନ୍ଦ ମୁଖର

           ସାଜସଜା ମନୋହର 

କାଟିକରି କେକ  

        ଖୁଆଇ ମୁଁ ନେଵି 

          ଆଶୀର୍ବାଦ ସଭିଙ୍କର !

କାହାରି ମନରେ 

         ଦୁଃଖ ଦେବି ନାହିଁ

              ସବୁ ଦୁଃଖ ଯିବି ସହି

ଜନମ ଦିନରେ  

        ଶପଥ କରୁଛି

           ଶପଥ ରଖିବେ ସାଇଁ!

ଚଲାପଥ ମୋର 

       କୁସୁମିତ କର

             ହସଖୁସି ମନେଭର

ଅନ୍ୟାୟ ଅନୀତି  

       ଠାରୁ ଦୁରେ ରଖ

          ଏତିକି ମିନତୀ ମୋର !

ମୋର ଜନ୍ମଦିନେ 

       ସାକ୍ଷୀ ଜଗନ୍ନାଥ

            ଘେନ ମୋର ନିବେଦନ

ସତ୍ୟପଥେ ସଦା 

        ରଖ ମୋର ମନ

          ଲୋଡାନାହିଁ ଧନଜନ ।