କାନ୍ଧରେ ବସାଇ ନେବି

ରାକ୍ଷସ ପୁରରୁ ଘେନି ଯିବି ଏବେ

ମାଆ ମୋ କାନ୍ଧରେ ବସ ,

ଦୂତ କରି ପ୍ରଭୁ ପଠେଇ ଅଛନ୍ତି

ଶୋକ ଭୟ ସବୁ ନାଶ ।

ଋଷ୍ୟମୁକ ଗିରି ନିକଟରେ ରାମ

କରୁଛନ୍ତି ଅବସ୍ଥାନ ,

ତୁମ ଠାବ ଲାଗି ଚାରି ଦିଗେ ଦୂତ

କରି ଅଛନ୍ତି ପ୍ରେରଣ ।

ଅନ୍ୟ ତିନିଦିଗେ ଯାଇଛନ୍ତି କେତେ

ବାଧା ବିଘ୍ନ ତୁଚ୍ଛ କରି ,

ସମୁଦ୍ର ଲଙ୍ଘି ମୁଁ ଦକ୍ଷିଣ ଦିଗକୁ 

ଆସିଅଛି ରାମ ସ୍ମରି ।

କି କରିବେ ମୋର ଏ ଦଇତ କୁଳ

ନିମିଷକେ ନାଶି ଦେବି ,

ତୁମେ ଯଦି ଏବେ ଆଜ୍ଞା ଦେବ ମାତା

କାନ୍ଧରେ ବସାଇ ନେବି ।