କାହିଁକି ହେଉଛୁ ଏତେ ଫୁଲେଇ

କାହିଁକି ହେଉଛୁ ଏତେ ଫୁଲେଇ 

    କହଲୋ ସଙ୍ଗାତ କାହାରି ପାଇଁ 

କେଉଁ ରାଜା ପୁଅ ନେଲା ଚୋରେଇ 

       ପ୍ରତି ମୁହୂର୍ତ୍ତରେ ଭାବୁଛୁ ତୁହି .....

ଲାଜରେ, ଲାଜରେ ସରମି ଯାଉଛି

  ତୋର ସେହି ତନୁ ମନ 

ପାଠ ପଢାରେ ଆଉ ଦେଉନୁ ମନ 

   କହ ଲୋ ଫୁଲେଇ ଜହ୍ନ ।

 ପୁସ୍ତଗମ ଧରି ଫୁଲେଇ ହେଉଛୁ 

   ହସୁଛୁ ତୁ ମଖମଲ୍ଲି 

ପ୍ରେମ ରୋଗ ତତେ ହୋଇ ଗଲା କିଲୋ 

  ମୋତେ ତୁ କହୁନୁ ଖୋଲି ।

ଏକାକୀ ବସୁଛୁ ନିରବେ ରହୁଛୁ

  ଯେମିତି ଜାଣିନୁ କିଛି 

ତୋ ଚିନ୍ତା ଚେତନା କହି ଦେଉଛି ଲୋ

    ପ୍ରେମରେ ଯାଇଛୁ ହଜି ।

ତୋ ଭାବ ପଣକୁ ଘରେ ବଖାଣିବି 

   ମୁହଁ କୁ ଫୁଲାନି ଆଉ

ସମୟ ହେଲାଣି ଘରକୁ ଜିବାଲୋ

   ସେତିକି ଭାବନା ଥାଉ ।

ମୋ ମନ କହୁଛି ତୋ ମନ ମଣିଷ 

   ଡାକୁ ଅଛି ହାତ ଠାରି 

ସଜାଗ ହୋଇଥା ପାଲିଙ୍ଗୀ ରେ ବସି 

    ଚାଲିଯିବୁ ପର କରି ...