କାହାଣୀ
କାହାଣୀ
ଅଦିନ ଝଡ଼ଟା
ଧୋଇ ନେଇ ଗଲା
ଟିକି ଚଢେଇର ବସା,
ଝଡ଼ ଚାଲିଗଲା
ନୀରବ ହୋଇଲା
ଛୁଆ ଚଢେଇର ଭାଷା l
ମାଆ ବାହୁନିଲା
ବାପା ଛାନିଆ ହେଇକି
ଖୋଜୁଥିଲା ଏଣେତେଣେ,
ବସା ଭାଙ୍ଗି ଯାଇ
ତଳେ ପଡିଥିଲା
ଛୁଆ ଚାଲିଗଲା କେଣେ !
ଦୂରୁ ଜଗିଥିଲା
ବୁଢ଼ା ଅଜଗର
ପ୍ରଶ୍ୱାସେ ବାପକୁ
ନେଲା ଯେ ଟାଣି,
ବାପ ପଛେ ପଛେ
ମାଆ ବି ପଶିଲା
କିଛି ପାରିଲାଣି ଜାଣି l
କି ଦୋଷ କରିଲା
ଟିକି ଚଢେଇ ଯେ
ଗିଳି ଦେଲା ତାକୁ
ମୃତ୍ୟୁର ଅନ୍ଧାର ମୁଣି,
ଝଡ଼ ନୀରବିଲା
ନୀରବ ହୋଇଲା
ଚିର ଦିନ ଲାଗି
ଟିକି ଚଢେଇର କାହାଣୀ l