ଧର୍ମାଵତାର

ଗାଁ ମୁଣ୍ଡ ଦେଉଳ ଆଗରେ 

ବିଚାର ନାଁରେ ପଡିଛି ଚହଳ 

ସାମ୍ନା ବର ଅଶ୍ୱତଥ ବୃକ୍ଷରେ 

ବନ୍ଧା ହେଇଛନ୍ତି ପ୍ରେମୀ ଯୁଗଳ !

କିଏ କହେ ଦେଖ 

କେଡେ ସାହସ ଏଡିକି 

ବକଟେ ଟୋକି ର, 

ଛାଡି ଲାଜ ସରମ 

ପ୍ରେମରେ ପଡିଛି 

ନ ବିଚାରି ଜାତି ଗୋତର !

ଇନ୍ଦିରା ଆବାସ 

ଗାଁ ରେ ବାଣ୍ଟୁ ବାଣ୍ଟୁ 

ନିଜ ନାମେ ରଖି ସତର, 

କହନ୍ତି ସରପଞ୍ଚ ତାଙ୍କର 

ମେଞ୍ଚଡ ଟୋକା ଟା 

ଭୁଲି ଗଲା ସେ ଯେ 

ଅଟଇ ବ୍ରାହ୍ମଣ କୂଳର !

କୁଜି ନେତା ତାଙ୍କ 

ଭତ୍ତା ବାଣ୍ଟୁ ବାଣ୍ଟୁ 

କଲେଣି ଦୁଇଟା କୋଠା ଘର, 

କହିଲେ ସେ ଧର ଧର

ମୁହଁ ରେ ୟାଙ୍କର 

ଶୀଘ୍ର ଚୂନକାଳି ମାର l

ଗାଁ ର ମୁଖିଆ 

ସଳଖି ଉଠିଲେ, 

ଦିନେ ନିଇତି ଜଣକୁ 

ପ୍ରେମରେ ଫସାଇ

ରାସଲୀଳା କରୁଥିଲେ, 

ଆଜି ଦେଖାଇ ବହପ 

ନିଶରେ ହାତକୁ ବୁଲାଇ 

କହନ୍ତି, ଏଗୁଡାଙ୍କୁ ଆଗ 

ସାବାଡ କର l 

ବିଚାରକ ଦଳ ଠାରରେ 

ମାରିଲେ ମୋହର, 

ଯଥା ଶୀଘ୍ର ଏମାନଙ୍କୁ 

ଜୀବନରୁ ଶେଷ କର !

ନୋହିଲେ କଳଙ୍କ ଲାଗିଯିବ 

ଆମ ଗାଁ ପରିବାର ନାଁ ର l

ଦେଶର ସମ୍ପତ୍ତି 

ଲୁଟି ନେଇ ଖାଇ, 

ଦିନରାତି ବ୍ୟଭିଚାରରେ 

ମାତି ରହନ୍ତି, ତଥାପି 

ଚିତ୍କାର କରନ୍ତି, 

ସେମାନେ ଧର୍ମାବତାର 

ସମାଜ ସଂସ୍କାରର ଦାୟିତ୍ୱ 

ଏକା ସେମାନଙ୍କ ର !