ଜୟଜଗନ୍ନାଥ
ଜୟଜଗନ୍ନାଥ
ଜୟ ଜଗନ୍ନାଥ ଜଗତର ନାଥ
ଦୀନଜନ ରକ୍ଷାକାରି,
ଜୟ ଯଦୁପତି ଅଗତିର ଗତି
କେଶୀ କଂସାସୁରହାରି । ୧।
ଜୟହେ ମୁରାରୀ ଦୀନଦୁଃଖି ହାରି
ସଂସାର ପାଳନ କାରି,
ଜୟ ହେ ଯାଦବ ଜୟ ହେମାଧବ
ପୂତନା ମୋକ୍ଷଣକାରି । ୨।
ଯଶୋଦା ନନ୍ଦନ ରାଧା ପ୍ରାଣଧନ
ଗୋପଗୋପୀ ମନୋହାରି,
ଭକତ ବତ୍ସଳ ଆହେଆଦିମୂଳ
ତ୍ରିତାପ ନାଶନ କାରି । ୩।
ଆହେ ଦୀନବନ୍ଧୁ ଗୋପୀ କୁଳଇନ୍ଦୁ
ଅଘାବକାସୁର ହାରି ,
ଆହେ ବ୍ରଜବନ୍ଧୁ କୃପାବାରି ସିନ୍ଧୁ
ରମା ରମଣ ବିହାରୀ ।୪।
ମୁଁହୀନ ପତିତ ଅଧମ କୁତ୍ସିତ
ଅପରାଧି ଦୂରାଚାରି,
ତବ ନାମଗାଇ ଦିନ ନେବି ବାହି
ଦିଅ ହେ କରୁଣା ବାରି । ୫ ।
ହେ ମୂରଳୀଧାରି କର ଭବୁପାରି
ଦେଇ ତୁମ୍ଭ କୃପାବାରି,
ଦିଅ ତୁମ୍ଭ ନାମ ହେ କରୁଣା ପ୍ରେମ
ରାଧାରମଣ ବିହାରୀ ।୬।