ଜୟ ମାଆ ଅନ୍ନଦାତ୍ରୀ ଅନ୍ନପୂର୍ଣ୍ଣା

 ଜୟ ମାଆ ଅନ୍ନଦାତ୍ରୀ ଅନ୍ନପୂର୍ଣ୍ଣା
      ==============
ଜୟ ମାଆ ଅନ୍ନଦାତ୍ରୀ
                    ଜୟ ଅନ୍ନପୂର୍ଣ୍ଣା l
ଲୀଳା ତୋର ମାଆ କିଛି
                   କରିବି ବର୍ଣ୍ଣନା ll
କରୁଣା କରିବୁ ମାଆ
                  କୁଣ୍ଠିତ ନ ହେବୁ l
କୃପା ସାଗରୀ ମାଆଲୋ
                   କୃପା ରଖିଥିବୁ ll
ସାଗର ମନ୍ଥନୁ ମାଆ
                   ଉତପତି ହେଲୁ l
ବିଷ୍ଣୁଙ୍କ ସଙ୍ଗିନୀ ହୋଇ
                ବୈକୁଣ୍ଠେ ବସିଲୁ ll
ବୈକୁଣ୍ଠ ବାସିନୀ ମାଆ
                 ସିନ୍ଧୁରାଜ ଜେମା l
ହରିପ୍ରିୟା ମହାମାୟା
                ବିଷ୍ଣୁ ମନୋରମା ll
କ୍ଷୀରୋଦ ଜଳଧି ମଧ୍ୟେ
                    ବିଷ୍ଣୁଙ୍କ ଶୟନ l
ଚାପୁଥାନ୍ତି ମାଆ ମୋର
                    ପ୍ରଭୁଙ୍କ ଚରଣ ll
ଶୁଦ୍ଧ ସୁବର୍ଣ୍ଣ କାନ୍ତି ତୋ
                 ଜନ ମନ ମୋହେ l
 ଶଙ୍ଖ ଚକ୍ର ମାଆ ବେନିଭୂଜେ
                       ଶୋଭା ପାଏ ll
ଶୁଭ୍ର ପଦ୍ମାସନୀ ମାଆ
                   ଶୁଭ ଜ୍ଞାନ ଦାୟୀ l
ଦୟା ହେଲେ ମାଆ ତୋର
                     ଦୂରିତ ପଳାଇ ll
ତାରି ଦେଉ ପାପୀ ଜନେ
                   ମାଆ ପାପ ପଙ୍କୁ l
ପ୍ରତିପାଳୁ ନିତି ମାଆ
                    ଜଗତ ଜୀବଙ୍କୁ ll
 ପଙ୍କଜ ବାସିନୀ ମାଆ
                  ଐଶ୍ୱର୍ଯ୍ୟ ଦାୟିନୀ l
 ସ୍ତୁତି ତୋର ଶ୍ରୀସୁକ୍ତରେ
                 ନମଃ ନାରାୟଣୀ ll
 ତୋ ଦୟାରୁ ମାତା ସର୍ଵ
                    ଐଶ୍ୱର୍ଯ୍ୟ ମିଳଇ l
 ଅଜ୍ଞାନ ଅବିଦ୍ୟା ଦୈନ୍ୟ
                  ସର୍ଵ ଦୂରେ ଥାଇ ll
 ହର ମା' ହର ମା' ଦୈନ୍ୟ
                    ଅଜ୍ଞାନ ମୋହର l
କରୁଣାମୟୀ ମାଆଙ୍କୁ
                  କୋଟି ନମସ୍କାର ll
              🙏🙏🙏
                  ଅର୍ଜୁନୀ
                --------------
ଅର୍ଜୁନୀ ଚରଣ ବେହେରା
ମୋ -7693091971