ଜୟ ଜଗନ୍ନାଥ
ଜୟ ଜଗନ୍ନାଥ
ଆମ ଆଗରେ ଜଗନ୍ନାଥ,
ଆମ ପଛରେ ଜଗନ୍ନାଥ ।
ଆମ ନୌକାର ସେ କାତ,
ଆମ ମୁଣ୍ଡରେ ତାଙ୍କ ହାତ ।
କରୁଥିବାଟି ସେବାକାର୍ଯ୍ୟ,
ଅଛି ସାହସ ଅଛି ଧୈର୍ଯ୍ୟ ।
ଆମେ ପରୋପକାରୀ ସର୍ବେ,
ମୁଣ୍ଡ ଟେକି ଚାଲିବା ଗର୍ବେ ।
ଖଳ ପ୍ରକୃତି ଲୋକମାନେ,
ଦୂରେଇ ଯିବେ ଅପମାନେ ।
ଆମ ଅନୁଷ୍ଠାନଟି ସ୍ୱଚ୍ଛ,
ଆମ କାମ ବି ଅଟେ ସ୍ୱଚ୍ଛ ।
ପର ଉପକାରର ନିଶା,
ଅହଂକାରୀ ପାଇଁ ନିରାଶା ।
ଯିଏ ଯାହା ଭାବୁଛି ଭାବୁ,
ଅସଫଳରେ ହେବ କାବୁ ।
ଆମର ସେବା ଅନୁଷ୍ଠାନ,
ସେବାରେ ଦେଉଥିବା ଧ୍ୟାନ ।
ସଙ୍ଗତେ ଆମ ଜଗନ୍ନାଥ,
ପରିଷ୍କାରଟି ଆମ ପଥ ।
ବିରୋଧୀ ଖଳ କର୍ମ କରି,
ବଞ୍ଚଇ ସଦା ମରି ମରି ।
ମହତ କର୍ମେ ଆଗେଇବା,
ଏକତା ବନ୍ଧନରେ ଥିବା ।
ସୁକର୍ମେ ଡର ଭୟ ନାହିଁ,
ସାଥିରେ ଥା'ନ୍ତି ଭାବଗ୍ରାହୀ ।
ସମାଜେ କୁକର୍ମୀ ଅଧର୍ମୀ,
ନାଶ କରନ୍ତି ଅନ୍ତର୍ଯ୍ୟାମୀ ।
ସର୍ବଦା ଜୟ ଜୟକାର,
ପାଉଛି ଆମ ପରିବାର ।