ଦେଶର ବିକାଶ

ସୁଜଳା ସୁଫଳା  ଶସ୍ୟ ଶ୍ୟାମଳା 

ସବୁଜ ବନାନୀ ନଦ ନଦୀ ଘେରା

   ଶ୍ରେଷ୍ଠ ଭାବ ଧାରେ କବି

ବିକାଶେ ବିଜ୍ଞାନ  ଶ୍ରେଷ୍ଠ ଅବଦାନ

   ଆଙ୍କି ଦେଉ ଗର୍ବେ ଛବି ।।

ପାଦ ମାଡୁ ନାହିଁ ମାଟି ରାସ୍ତା କା'ର

ଆଖି ଦେଖୁନାହିଁ ନଡ଼ା ଚାଳ ଘର

   କଂକ୍ରିଟ ରଙ୍ଗୀନ ଘର

ଯୁଆଡ଼େ ଚାହିଁଲେ ବିକାଶର ଛବି

   ଆଖି କରେ ଝଲ ମଲ ।।

ବଣ କି ଜଙ୍ଗଲ  ଆଉ ଦିଶୁ ନାହିଁ

ପଦା ପଦା ଦିଶେ ମୋ ଭାରତ ଭୂଇଁ

   କମ୍ପାନୀ ହୋଇଛି ଠିଆ

ନଭଶ୍ଚୁମ୍ୱି ଅଟ୍ଟାଳିକା ଶୋଭା ପାଏ 

   ଦେଖି ଫାଟି ଯାଏ ହିଆ ।।

ବିକାଶ ନାଆଁରେ ଯୋଜନା ଗୃହୀତ

ବାଟ ମାରଣାରେ ଏ ଦେଶର ବିତ୍ତ

   ହରନ୍ତି କ୍ଷମତାଶାଳୀ

ରହି ଥାଏ ଚାହିଁ ଜୁଳୁ ଜୁଳୁ ହୋଇ

   ପକୃତ ହିତାଧିକାରୀ ।।

ବିକାଶର ପଥେ ମୋ ଦେଶ ଭାରତ

ପକୃତି କାନ୍ଦୁଛି ମୁହେଁ ଦେଇ ହାତ

   ତୁଟି ଯାଏ ତାର ଶିରୀ

ଅଦିନରେ ଦିନ ରୋଗୀ ସ୍ୱାସ୍ଥ୍ୟବାନ

  ପାକୃତିକ ଶୋଭା ହାରି ।।

ଆକାଶେ ଉଡୁଛେ ସାଗରେ ବୁଡ଼ୁଛେ

ଶୀତ ତାପ ନିୟନ୍ତ୍ରଣରେ ଶୋଉଛେ

   ବିଳାସ ବ୍ୟସନେ ଦିନ

କା ପେଟ ପୁରେନି କା'ର ବାସ ନାହିଁ

   ଛଟପଟ ହୁଏ ପ୍ରାଣ 

 ଏଇ ଆମ ବିକାଶର ନିଦର୍ଶନ ।।