ଜୟ ଭାରତ ମାତା

ଜୟ ଭାରତ ଜୟ ଭାରତ

       ଜୟ ଭାରତ ମାତା

ସ୍ୱାଧୀନ ଆମେରେ ମୁକ୍ତ କଣ୍ଠରେ

      ଗାଉ ମାତୃଭୂମି ଗାଥା l0l

ସୁଜଳା ସୁଫଳା ଶସ୍ୟ ଶ୍ୟାମଳା

    କାଶ୍ମୀରରୁ କୁମାରୀକା

କେତେ ବିଲ ବଣ ପାହାଡ଼ ଘେରିଛି

    ସାଇତିଛି ହୃଦେ ଏକା

ବୀର ପ୍ରସବିନି ପୁଣ୍ୟ ନିର୍ଝରିଣୀ

     ତୁହି ମା ସର୍ବେ ବନ୍ଦିତା l1l

ବେଈମାନ ସେଇ ଇଂରେଜ କମ୍ପାନୀ

    କରିଥିଲେ କବଳିତ

ଗାନ୍ଧୀ ଗୋପବନ୍ଧୁ ସୁବାସ ବୋଷ ଆଗେ

    ଶେଷେ କଲେ ମଥାନତ

ଉଣେଇଶ ଶତଚାଳିଶ ମସିହା

     ମିଳିଥିଲା ସ୍ୱାଧୀନତା l2l

ଆମ୍ବେଦକର ଆଗ ଗଢ଼ିଥିଲେ ଆମ

     ସମ୍ବିଧାନ ମୁଖବନ୍ଧ

ନୂଆ ନିୟମରେ ଏ ଦେଶ ଚାଲିଲା

     ବୁଡ଼ିଲା ବିଦେଶୀ ଫାନ୍ଦ

ଆମେ ଗଢୁଅଛୁ ଆମ ସରକାର

    ଆମେତ ଶାସନ କର୍ତ୍ତା l3l

ଉଡୁଛୁ ଆମେରେ ଆକାଶରେ ଆଜି

    ବୁଡୁଛୁ ସାଗର ଜଳେ

ସୈନିକ ହୋଇ ଜଗୁଛୁ ଆମେରେ

    ସୀମାନ୍ତର ଅନ୍ତରାଳେ

ସମ୍ମାନ ମୋହର ମୁହିଁ ଭାରତର

    ଭାରତ ମୋହର ମାତା l4l