ଜନନୀ ଗୋ ତୁମ ସନ୍ତାନ ମୁହିଁ

ଜନନୀ ଗୋ ତୁମ     ସନ୍ତାନ ମୁହିଁ

     ପର କରିଦେଲ କାହିଁ

ତୁମ ବିନା ମୋର.   ଆଉ କେ ଅଛି ମା

     ଦୁଃଖ ମୋ ଶୁଣିବା ପାଇଁ ।୦।

ତୁମରି କରୁଣା     କର ନାହିଁ ଉଣା

     ସାହା ହୁଅ ଗୋ ଜନନୀ

ଦୁଃଖ ବିପଦରୁ     ଉଦ୍ଧାର କର ଗୋ

      ମାଆ ସଂକଟତାରିଣୀ

ଦୁର୍ଗତୀ ନାଶିନୀ     ଅଭୟ ଦାୟିନୀ

    ମୋତେ ଭୁଲି ଯାଅ ନାହିଁ ।୧।

ସାରା ଜଗତର    ଜନନୀ ବୋଲାଅ

     ତୁମେ ତ କରୁଣାମୟୀ

କି କାରଣେ ଏହି    ଦିନ ଅଧମରେ

     ଗଲ ପରକରି ଦେଇ

ଦୁଃଖ ଯାତନାର.    ସୀମା ଟପିଲାଣି

     ରାହା ସାହା ପାଉ ନାହିଁ ।୨।

ସଙ୍କଟରେ ସାହା     ନ ହୋଇଲେ ମାଆ 

     କାହା ପାଶେ ଯିବି ଧାଇଁ

କିଏ ଶୁଣିବ ମୋ      ଅନ୍ତର ବେଦନା

     ବୁଝି ଦୁଃଖ ଦେବ ଧୋଇ

ତୁମରି ଚରଣେ     ଢାଳେ ମୁଁ ପ୍ରଣତି

     ଆଶିଷ ଢାଳମୋ ପାଇଁ ।୩।