ଜନ୍ମଦିନ
ଜନ୍ମଦିନ
ଜନମ ଦିନରେ ଶୁଭ ଚିନ୍ତନରେ
ଲଗାନ୍ତି ମନ
ପ୍ରତି ବର୍ଷ ସିନା ଥରେ ଆସି ଥାଏ
ଜନମ ଦିନ ।
ପାଳନ କରନ୍ତି ଆନନ୍ଦେ ଉଚ୍ଛୁଳି
ଏହି ଉତ୍ସବ
ମନେ ଦିବ୍ୟ ଭାବେ ଚେତନା
ଏ ଅଭିନବ ।
ଉଦ୍ଦୀପନା ପୂର୍ଣ୍ଣ ସ୍ପନ୍ଦନ ଆହ୍ୱାନ
ଭରି ଦିଅଇ
ଅନୁଭବ ଅନୁଭୂତି ଗଠନରେ
ସହାୟ ହୋଇ ।
ସମାଜ ସୁହିତ ସହିତ ଜଡିତ
ବହୁତ କାମ
କରି ଯିବା ପାଇଁ ସୁଯୋଗ ଦିଅଇ
ଜନମ ଦିନ ।
ବୃକ୍ଷ ରୋପଣ ଓ ଦୁଖୀ ରଙ୍କି ସେବା
ସହିତ କେତେ
ଅସହାୟେ ଅନ୍ନ ବସ୍ତ୍ର ଅରପଣ
ଯେ ନାନା ମତେ ।
ଦିବ୍ୟ ପୁଲକରେ ଆଲୋକ ଆହ୍ୱାନ
ଦିବ୍ୟ ପ୍ରଶାନ୍ତି
ତର୍ଲ୍ଲିନ କରାଇ ପବିତ୍ର ଉତ୍ସାହ
ସାହସ ଶକ୍ତି ।
ଭରି ଦେଇ ଥାଏ ମାନବ ହୃଦୟେ
ଜନମ ଦିନ
ହର୍ଷ ଉଦ୍ଦୀପନା ପୂର୍ଣ୍ଣ ସ୍ପନ୍ଦନରେ
ପାଳନ୍ତି ଜନ ।
ଜୀବନ ଯାତ୍ରାରେ ଅଭିନୟ ଚଳେ
ନୂଆ ଆଶାର
ନବୀନ ଆହ୍ଵାନ ଆଶ୍ୱାସନା ଦାନ
କରେ ଅପାର
ପୂଣ୍ୟ ଅର୍ଜ୍ଜନରେ ଉତ୍ପ୍ରେରିତ କରେ
ଦିଏ ସାହସ
ଆନନ୍ଦ ଉଲ୍ଲାସ ପ୍ଲାବନ ଖେଳାଇ
ମୁଖେ ସୁହସ ।
ଉକୁଟାଏ ଏହି ଶୁଭେଛା ବାର୍ତ୍ତାର
ସୁଅ ଛୁଟଇ
ଜୀବନ ଯାତ୍ରା କୁ ଅଗ୍ରଗତି ପାଇଁ
ପ୍ରେରଣା ଦେଇ ।
କେତେ ଯେ ଅଶେଷ ବିଭୂତି ମଣ୍ଡିତ
କରେ ଏ ଦିନ
ବରଷକୁ ସିନା ଥରେ ଆସିଥାଏ
ଜନମ ଦିନ ।