ଜନ୍ମଦାତ୍ରୀ ମାଅା

ମାଅା ଠାରୁ ବଳି ଆଉ କେହି ନାହିଁ 

    ଉଦାର ହୃଦୟା ସାଥୀ , 

କେତେଯେ କଷଣ ମାଅା କରେ ଭୋଗ 

    ଅକ୍ଷୁର୍ଣ୍ଣ ତା' ଭାବମୂର୍ତ୍ତି ॥ 

ଦଶ ମାସ କାଳ ଗର୍ଭେ କରି ଭାର 

     କଷଣ କରଇ ଭୋଗ , 

ଜନ୍ମ ଦେଲା ବେଳେ ମୃତ୍ଯୁ ସଙ୍ଗେ ଲଢ଼େ

     ଆହାକି ବଳିଷ୍ଠ ତ୍ୟାଗ ॥  

ପାଦପଦ୍ମେ ଜନ୍ମେ ପୁତ୍ରକନ୍ୟା ଯେବେ 

      ମାଅା ହୁଏ କଲବଲ , 

ସେ ଦୃଶ୍ୟ ଅସହ୍ୟ ଝରିଯାଏ ଲୁହ 

     ସୁଝି ହବନି ଏ'ମୂଲ ॥ 

ପ୍ରସବ ବେଦନା ମାଅାକୁ ହିଁ ଜଣା 

     କିଏବା ପାରିବ ବୁଝି , 

ମାଅା ଏକା ଜାଣେ ମାଅା ଏକା ଯୁଝେ 

    ମୃତ୍ଯୁ ପାଶେ ଆଖି ବୁଜି ॥ 

ମାଆ ଜନ୍ମଦାତ୍ରୀ ହୃଦୟା ଦରଦୀ 

  ସର୍ବସଂହା  ମାତୃଦେବୀ , 

ସମ୍ପଦା ବିଭବା  ଚିରବନ୍ଦନୀୟା 

   ଦୁଃଖସୁଖ    ଅନୁଭବୀ !! 

ମାଆ ସ୍ଵୟଂପୂର୍ଣ୍ଣା  ମାଆ ଅନ୍ନପୂର୍ଣ୍ଣା 

    ସୃଷ୍ଟିରେ  ବୈଚିତ୍ର୍ୟମୟୀ , 

ସୁଲଭ ସୌଲଭା  ପ୍ରୀତିର ପ୍ରତିମା 

   ସର୍ବଯୁଗେ   କାଳଜୟୀ !! 

କରୁଣା କଲ୍ୟାଣ ମାଆ ' ଆଭୁଷଣ 

    ମଙ୍ଗଳ ବିଧାନ ମୈତ୍ରୀ , 

ଆଶିର୍ବାଦେ ମାତ   ସର୍ଵଦା ବଦିତ 

    ମହା ଅନୁଭବି   ପୁତ୍ରୀ !! 

     

ସନ୍ତାନ ସନ୍ତତି   ମାଆର ସମ୍ପତ୍ତି

   ଆଖିର ରତନ ଜ୍ୟୋତି , 

ମାଆ ଜାଣିପାରେ କେ'ଅଛି ସଂକଟେ  

   ଆହାକି ତା' ଭାଵ ପ୍ରୀତି  !!  

ମାତା ଗର୍ଭଧାରୀ ନିରଳସ ନାରୀ 

    ଦୁଃଖସୁଖ  କୁହୁକିନୀ , 

ଦୁଃଖେ ହଉ ସୁଖେ ନୀଡକୁସଜାଡ଼େ 

   ସ୍ନେହଁମୟୀ  ସରାଗିନି !! 

ବାରମାସେ ପାଳେ ତେରବ୍ରତ ସେ'ଯେ  

   ମଙ୍ଗଳ ବିଧାନ ପାଇଁ , 

ଉପବାସେ ରହେ  ସର୍ବ ଅଜାଣତେ 

   ହସିଦିଏ   କଥାକହି  !! 

ଧରିତ୍ରୀର ମୈତ୍ରୀ  ମାଆ ସୁନେତ୍ରୀ 

   ସହ୍ୟକରେ  କଷ୍ଟ କ୍ଳିଷ୍ଟ , 

ଶାବକ ଅର୍ଦଳି ସହେ ମାଆ ବିଚାରି 

   ଦୁଃଖେ ହୋଇ ଉପବିଷ୍ଟ !! 

ମାଆପରି କେହି ନାହିଁ ଏ' ସୃଷ୍ଟିରେ 

  ଭାବନାର ଅନ୍ତଃରାଳେ ,

ମାଆ ଏକା କାନ୍ଦେ ବେଦନା ଉଚ୍ଛ୍ଵାସେ 

   ଆପଦ ବିପଦ  ବେଳେ !! 

ଶୁଭ ଅବକାଶେ ଏ' ମାତୃ ଦିବସେ   

    କରହେ' ଶପଥ ସର୍ବେ , 

ମାଆହାତ କେବେ ଛାଡିବାନି ଆମେ 

    ବଞ୍ଚି ଥିବାଯାଏ  ଭବେ !!  

ଏ'ରମ୍ୟ ସୃ୍ଷ୍ଟିକୁ ଆଣିଛି  ଆମକୁ 

   କେତେବଡ ତା'ର ତ୍ୟାଗ , 

ଦଶମାସ କାଳ ଗର୍ଭେ କରି ଭାର 

   କଷଣ କରିଛି ଭୋଗ !!  

ହେ'ମାଆ ସମ୍ପଦା ସୁକଲ୍ୟାଣୀ ମାତା 

    ଶତଶତ  ପ୍ରଣିପାତ , 

ତୋର ସନମାନ ନ'ହେଉ ମା' କ୍ଷୁର୍ଣ୍ଣ 

    ତୁ'ଏ'ସୃ୍ଷ୍ଟିର  ମିତ  !!