ଜଳବନ୍ଦୀ
ଜଳବନ୍ଦୀ
ପୋତି ହେଉଅଛି ଶଯ୍ୟା ଓ ମୁହାଣ
ହୁଅଇ ବନ୍ୟା ବିତ୍ପାତ
କଂକ୍ରିଟ ସଡ଼କ କୋଠାବାଡ଼ି ଛାତ
ସୃଷ୍ଟି କରଇ ଆପତ ।
ନଷ୍ଟ ହେଉଅଛି ପୃଥିବୀ ପୃଷ୍ଠରୁ
ସବୁଜ ବନ କାନନ
ଭୂମିଗତ ଆଉ ହେଉ ନାହିଁ ବୃଷ୍ଟି
ବହିଯାଏ ଅକାରଣ ।
ନିଦାଘେ ହେଉଛି ଜଳସ୍ତର ହ୍ରାସ
ହାହାକାର ଜଳାଭାବ
ଆସିଲେ ବରଷା ଲୋକେ ଜଳବନ୍ଦୀ
ଚତୁର୍ଦ୍ଦିଗ ଜଳାର୍ଣ୍ଣବ ।
ଗଡିଆ ପୋଖରୀ ନାଳ କେନାଲକୁ
ମଣିଷ ପକାଏ ପୋତି
ଜଳ ନିଷ୍କାସନେ ହୁଏ ଅସୁବିଧା
ପରିଣାମ ଜଳବନ୍ଦୀ ।
ସୁଚିନ୍ତିତ ଭାବେ ହୁଏନି କେଉଁଠି
କୋଠାବାଡ଼ି ବି ନିର୍ମାଣ
ଯାହାର ମନକୁ ଆସିଲା ଯେଉଁଠି
ତୋଳେ କୋଠା ବହୁତଳ ।
ନଷ୍ଟ ହୋଇଗଲେ ପାହାଡ଼ ପର୍ବତ
ପ୍ରାକୃତିକ ଭାରସାମ୍ୟ
ଭୋଗିବ ମନୁଷ୍ୟ ପ୍ରକୃତି ପ୍ରକୋପ
ସାଙ୍ଘାତିକ ପରିଣାମ ।
ସମୁଦ୍ର ଜୁଆର ଲଙ୍ଘିବ କୂଳକୁ
ଆସିବ ହଠାତ୍ ମାଡ଼ି
ଲୁଣି ବାଲିଚରେ ସମୁଦ୍ର ଆଁ ରେ
ଉଜୁଡିବ କ୍ଷେତ ବାଡି ।
ସହରାଞ୍ଚଳରେ ବରଷା ଦିନରେ
ପଶିଯିବ ଘରେ ପାଣି
ଜୀବନ ଜୀବିକା ହେବ ଅସ୍ତବ୍ୟସ୍ତ
ଦୁଃଖ ଦେବ ଜଳବନ୍ଦୀ ।
------