ଜଳାଇବା ଆସ ଜୀବନ ପ୍ରଦୀପ

ତମ ଅନ୍ଧକାର    ତ୍ରିତାପୁ ସୁରକ୍ଷ

    ଆଶୁତୋଷ ତ୍ରିଲୋଚନ

ହେ ରୁଦ୍ର ମହେଶ  ତ୍ରିଲୋକର ନାଥ

     ବିଶ୍ୱନାଥ ନୀଳକଣ୍ଠ

     ପଶୁପତି ଲୋକନାଥ

ହେ ଚନ୍ଦ୍ରଶେଖର  ସୋମନାଥ ଶମ୍ଭୁ

     କୃପାମୟ ଭୋଲେନାଥ ।

ତ୍ରିଗୁଣ ସନ୍ତାପ    ହର ମହାଦେବ

      ତ୍ରିଶୂଳ ପିନାକଧର

ଅସ୍ତ୍ର ପାଶୁପତ    ପରଶୁ ହସ୍ତରେ

     ଅବତର ମହେଶ୍ୱର

     ପାପତାପ ଦୁଃଖ ହର

ପରମ କାରଣ    ଉଦ୍ଧର ଜୀବନ

     ସଦାଶିବ ଗଙ୍ଗାଧର ।

ଜଳାଇବା ଆସ   ଜୀବନ ପ୍ରଦୀପ

     ସୁଧାମୟ ଜ୍ଞାନ ଭକ୍ତି

ଶ୍ରୀପଦ ପଙ୍କଜେ   ଖୋଜିବା ଆଶ୍ରୟ

      ପ୍ରଶାନ୍ତି ଗତି ମୁକତି

      ଈଶ୍ୱର ମଙ୍ଗଳମୟ

ହୁଅନ୍ତୁ ସଦୟ    କୃପା ପାରାବାର

     ବିଶ୍ୱ ହେଉ ମଧୁମୟ ।