STORYMIRROR

LALIT MOHAN DASH

Abstract Classics Inspirational

4  

LALIT MOHAN DASH

Abstract Classics Inspirational

ଜୀଵନ ସଂଗ୍ରାମ

ଜୀଵନ ସଂଗ୍ରାମ

1 min
391


ଜୀବନ ସଂଗ୍ରାମେ ହାର୍ ମାନିବୁନି

                  କରିଥାଅ ଦୃଢପଣ ,

ସତ୍ୟ ଧର୍ମ ପଥ କେବେ ଛାଡିବୁନି

              ଆସୁ ଯେତେ ବାଧା ବିଘ୍ନ ।

ଜୀବନ ସଂଗ୍ରାମେ ହାର୍ ମାନିବୁନି..

               

ସୁଖରେ ନ ହେବୁ ଉଦବିଗ୍ନମନା

                ଦୁଃଖେ ନୁହେଁ ମ୍ରିୟମାଣ ,

ଥିଲେ ସତ୍ୟ ପଥେ ରତରେ ମାନସ

                 ଉଦ୍ଧାରିବେ ନାରାୟଣ ।

ଜୀବନ ସଂଗ୍ରାମେ ହାର୍ ମାନିବୁନି ..

                

କପଟ ପଶାର ପରାଭବ ଫଳ

                 ମହାଭାରତ ଆଖ୍ୟାନ ,

ହୋଇ ଛତ୍ରପତି ନରହିଲା ସ୍ଥିତି

                ମହାମାନୀ ଦୁର୍ଯ୍ୟୋଧନ ।

ଜୀବନ ସଂଗ୍ରାମେ ହାର୍ ମାନିବୁନି ..

                

ଅନ୍ତର ବାହାର ଶୁଦ୍ଧ କର ତୋର

                 ମୁଖେ ଭଜ ରାମ ନାମ ,

ରାମ ନାମ ମହାମନ୍ତ୍ରର ଗାରିମା

                 ଭାଙ୍ଗି ଦେବ ଟାଣ ପଣ ।

ଜୀବନ ସଂଗ୍ରାମେ ହାର୍ ମାନିବୁନି ..

                 

ଦାନବଙ୍କ ପରି କର ଆଚରଣ

                   କାହିଁକି ମାନବ ଗଣ ,

ଦୁଇ ଦିନର ଏ ଦୁନିଆକୁ ଆସି

                 ଦେଖାଉଛ ଟାଣ ପଣ ।

ଜୀବନ ସଂଗ୍ରାମେ ହାର୍ ମାନିବୁନି ..

                 

ଟାଣ ଭାଙ୍ଗିଦେବେ ହରି ଦିନେ ନିଶ୍ଚେ

                  ଆତ୍ମବଡିମା ଟି ଜାଣ ,

ମୁଖେ ଭାଷୁ ତୁହି ମଧୁର ବଚନ

                 ଚେର କାଟିବା ଟି କାମ ।

ଜୀବନ ସଂଗ୍ରାମେ ହାର୍ ମାନିବୁନି ..

                 

ଅନ୍ୟାୟ ପଥରେ ଅର୍ଜନ ଧନ ଟି

                 ଭସ୍ମ ହେବ ନିଶ୍ଚେ ଜାଣ ,

ଲୁଚି ଛପି ଅର୍ଜୁ ଯେତେ ପାପ ରାଶି

                   ଜାଣନ୍ତି ଚକାନୟନ ।

ଜୀବନ ସଂଗ୍ରାମେ ହାର୍ ମାନିବୁନି ..

                   

ବେଳ ଥାଉଁ ସାବଧାନ ହୁଅ ବାବୁ

                   ନ ଦଣ୍ଡିବ କାଳ ଯମ ,

ମୁଢ ରାଧାଶ୍ୟାମ ନଜାଣି ଜଣାଏ

                 ଧ୍ୟାୟୀ ଶ୍ରୀ ରଙ୍ଗା ଚରଣ ।

ଜୀବନ ସଂଗ୍ରାମେ ହାର୍ ମାନିବୁନି।

                  




ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Abstract