ବର୍ତ୍ତମାନ ରାଜନୈତିକ ପରିପ୍ରେକ୍ଷୀରେ
ବର୍ତ୍ତମାନ ରାଜନୈତିକ ପରିପ୍ରେକ୍ଷୀରେ
ମଣିଷ ଚାରି ପ୍ରକାରର, ପଣ୍ଡିତ, ଭୁଲି ଯାଉଥିବା ଜ୍ଞାନୀ,
ଆଗ୍ରହ ଥିବା ଶିକ୍ଷାର୍ଥୀ ଓ ଅଜ୍ଞ,
ଜାଣିବାକୁ ଆଉ କିଛି ନାହିଁ, ଜାଣିବାକୁ ମଧ୍ୟ ଆଗ୍ରହୀ ନାହିଁ,
ଅଜ୍ଞ ନିଜକୁ ବୋଲାଏ ସର୍ବଜ୍ଞ |୧|
ପଣ୍ଡିତ ତାଙ୍କ ହୃଦୟ ଶିକ୍ଷାର୍ଥୀ ପାଇଁ ଖୋଲନ୍ତି ଯାହାର
କିଛି ଜାଣିବାର ଆଗ୍ରହ ଅଛି,
ମନୋନୀତ ଏବଂ ଯେଉଁମାନେ ମୋ ଜୀବନର ଅଂଶ
ହେବାକୁ ଯୋଗ୍ୟ, ତାଙ୍କୁ ବାଛି |୨|
ଶିକ୍ଷା ଦିଆଯାଏ କାରଣ ଜଣେ ମହାନ ପଣ୍ଡିତ ହେବାର
ତାହାର ସାମର୍ଥ୍ୟ ଥିବାରୁ,
ସେପରି ପଣ୍ଡିତକୁ ଖୋଜା ଯାଏ, ସେ ପ୍ରକୃତରେ ଧୈର୍ଯ୍ୟ
ଏବଂ ନିଷ୍ଠାବାନ ହୋଇଥିବାରୁ |୩|
ଅଜ୍ଞ ସର୍ବଦା ହୁଏ ମତାନ୍ଧ ଓ ସେମାନେ ସବୁ ସମୟରେ
ବୋଝ ଉପରେ ଲଳିତାବିଡା,
ଟିକେ ବଞ୍ଚିବାକୁ କୁଟା ଖିଅଟେ ଆଶ୍ରା ମାଗୁଥିବା ଲୋକ
ଉପରେ ନିର୍ମମ ହୁଏ, ନହୋଇ ଛିଡା |୪|
କେତେ ଭୟଙ୍କର ସେ ଚେହେରା ସବୁ, ବାସ୍ତବତାରେ
ମଣିଷ ପାଇଁ ସଦା କଷ୍ଟଦାୟକ,
ଗର୍ବର ଚାଦରକୁ ଜାବୁଡ଼ି ଓ ଜୋରରେ ଭିଡି ଧରିଥାନ୍ତି
ସେମାନେ ତାଙ୍କର ଜୀବନଯାକ |୫|
ଯୁଗ ଯୁଗରୁ 'ଅହଂକାରୀ" ର ପାତାଳଗତି ହେଇଚି,
ପୁରାଣ କହିଛି, ଇତିହାସ ବି କହିଛି ,
ଯେତେ ଉପରେ ଅଛ ବୋଲି ଗର୍ବ କରୁଛ କର, କିନ୍ତୁ
ଦେଇଥିବା ଲୁହର ହିସାବ ଦେବାକୁ ଅଛି |୬|
କିଏ ଜାଣେ କେଉଁ ନିଶ୍ୱାସ ହେବ ଅନ୍ତିମ ନିଶ୍ୱାସ,
କେଉଁ ସାକ୍ଷାତ ହେବ ଅନ୍ତିମ ସାକ୍ଷାତ,
ମୋ ଏ ସ୍ୱରକୁ ପହଁଞ୍ଚେଇବା ପାଇଁ ଏକ ପ୍ରୟାସ,
କାଳର ଆଁରେ ଶେଷ ସଦା ତ ନିମନ୍ତ୍ରିତ |୭|
