STORYMIRROR

Ajit Kumar Raut

Abstract

4  

Ajit Kumar Raut

Abstract

ଫେରିବେ ଭକତ ମେଳେ !

ଫେରିବେ ଭକତ ମେଳେ !

1 min
30


ଭକ୍ତ ଚାହିଁ ଛନ୍ତି ଫେରିବା ପଥକୁ

ଚାହିଁ ଛନ୍ତି ମହାଲକ୍ଷ୍ମୀ

ବଡ଼ଦାଣ୍ଡ ପୁଣି ଉଛୁଳି ପଡିବ

ଭକ୍ତି ପ୍ରେମ ଜଗା ଭୂମି !

ଶୁଭୁ ଥିବ ଜୟ ଧ୍ବନି,

ଶଙ୍ଖ ହୁଳହୁଳି ପଡୁ ଥିବ ଦାଣ୍ଡେ

ଭଜୁ ଥିବେ ନାମ ଜ୍ଞାନୀ !!


ଭକତର ମେଳେ ସାଆନ୍ତେ ଫେରିବେ

ବଡ଼ଦେଉଳରେ ତାଙ୍କ

ବାହୁଡା ଯାତ୍ରାରେ କାଳିଆ ଦର୍ଶନ

ଦର୍ଶନ ତିନି ଦିଅଁଙ୍କ !

ଆନନ୍ଦ ଖୁସି ଉମଙ୍ଗ

ଟାଣୁ ଥିବେ ରଥ ଭକ୍ତ ନାଚୁ ଥିବେ

ବାଜିବ ଗିନି ମୃଦଙ୍ଗ !!


ପୁଷ୍ପ ବୃଷ୍ଟି ହେବ ସରଗ ଲୋକରୁ

ଦେଖୁ ଥିବେ ଦେବଗଣ,

ଲୀଳା କାଳିଆର ଦେଖିବ ବ୍ରହ୍ମଣ୍ଡ

ପ୍ରାରମ୍ଭ ଧାରା ଶ୍ରାବଣ !

ଚାଷୀର ମନ ଉଚ୍ଛନ୍ନ,

କରୁଣା କରିବେ ଜଗତ ଠାକୁର

କୃଷକ ହେବେ ପ୍ରଶନ୍ନ !!


ରତନ ଭଣ୍ଡାର ଖୋଲା ଗଲା ଯହୁଁ

ହିସାବ ହୁଏ ରତ୍ନର

ଶୁଭ ମୁହୁର୍ତ୍ତରେ ଶୁଭ କାର୍ଯ୍ୟ ହୁଏ

ନିର୍ଦ୍ଦେଶ ଅବା ପ୍ରଭୁର !

ଅନାଦି ଅନନ୍ତ ହରି,

ପୂର୍ଣ୍ଣ କରି ଦେବେ ଭକ୍ତ ମୋନରଥ

ଏତିକି ପଦେ ଗୁହାରି !!


ସେହୁ ନିରାକର ଜଗତ ଈଶ୍ୱର

କୃଷ୍ଣ ରାମ ଦାରୁବ୍ରହ୍ମ

ଡୋର ରହିଅଛି ହସ୍ତରେ ତାଙ୍କରି

କାଳିଆ ପରମବ୍ରହ୍ମ !

ବାହୁଡା ଯାତ୍ରା ତାଙ୍କର,

ଜନ୍ମଭୂମି ଛାଡି ବଡ଼ଦେଉଳରେ

ଆସିବେ କରୁଣାକର !!


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Abstract