ଅଇଲେ ମାଁ ସ୍ୱରସ୍ୱତୀ
ଅଇଲେ ମାଁ ସ୍ୱରସ୍ୱତୀ
ମାଘ ମାସ ଶୁକ୍ଳ ପଞ୍ଚମୀ ତିଥିରେ
ଅଇଲେ ମା ସରସ୍ବତୀ
ବିଦ୍ୟା ପ୍ରଦାୟିନୀ ମା ହଂସ ବାହିନୀ
କରୁଛୁ ପାଦେ ପ୍ରଣତୀ ।
ଅବୋଧ ଅଜ୍ଞାନ ଦିଅ ଦିବ୍ୟ ଜ୍ଞାନ
ଏତିକି କରେ ବିନତୀ
ଅଜ୍ଞାନ ଅନ୍ଧାର କରି ଦିଅ ଦୂର
ନମୋ ମାଗୋ ଭଗବତୀ ।
ତୋହରି ଦୟାରେ ମୁର୍ଖ ହୁଏ ଜ୍ଞାନୀ
ପାଣ୍ଡିତ୍ଯରେ ଯଶ ଖ୍ୟାତି
ତୋହରି କୃପାରୁ କଣ୍ଠରୁ ଝରଇ
ଅଦୃଶ୍ୟ ଶବ୍ଦର ଗୀତି ।
ଯାହାର ଉପରେ ତୋ ସୁଦୟା ଥାଏ
ନ ଥାଏ କିଛି ତା ଭୀତି
ବିଶ୍ବ ଜଗତରେ ହୁଏ ସେ ବିଖ୍ୟାତ
ବଢେ ମାନ ଯଶ କୀର୍ତ୍ତି ।
ତୋ କୃପା ବଳରେ ମୁର୍ଖ କାଳିଦାସ
ଚର୍ଚ୍ଚିତ ହେଲେ ଧରିତ୍ରୀ
ସାତ ଜନ୍ମ ମୁର୍ଖ କାଟି ମାତ କଲ
ଜ୍ଞାନରେ ଭଣ୍ଡାର ଭର୍ତ୍ତି ।
ନବରତ୍ନ ପଣ୍ଡିତରେ ସ୍ଥାନ ଦେଲ
ତୁମେ ମାଗୋ ଜ୍ଞାନଦାତ୍ରୀ
ଦୋଷ ମୋ ଧରି କୋଳେଇ ନିଅ ମା
ବିଦ୍ୟା ଦିଅ ବିଦ୍ୟାଦାତ୍ରୀ ।
ମୋ କଣ୍ଠରେ ବସି ବାକ୍ଯ କହି ଦିଅ
ବାଗ୍ଦେବୀ ମା ସରସ୍ବତୀ
ଭକତି କୁସୁମ ଅର୍ପଣ କରୁଛି
ଅଛି ପାଦେ ମଥାପାତି ।
ହାତ ମୁଁ ଯୋଡୁଛି କାନ ମା ଧରୁଛି
ଦୟା କର ସରସ୍ବତୀ
ଦୋଷ ଅପରାଧ କ୍ଷମା କରି ମାତ
ବିଦ୍ୟା ଦିଅ ଭଗବତୀ ।
