ଜୀବନଟା ସତରେ ବିଚିତ୍ର

ଜୀବନଟା ସତରେ ବିଚିତ୍ର

ସତେ ଯେମିତି ଗାଣିତିକ ସୂତ୍ର 

ମିଶାଣ ଫେଡାଣ ଆଉ ହରଣ 

ଗୁଣନର ସାଂକେତିକ ଚିତ୍ର ।

କେବେ ମିଶାଣରେ ବନ୍ଧୁତା ବଢେ ତ

କେବେ ଫେଡାଣରେ ଶତ୍ରୁତା

ହରଣରେ ଦୁଃଖ ମିଳେ

ଆଉ ଗୁଣନରେ ସୁଖର ବାରତା ।

ବନ୍ଧନୀ ମଧ୍ୟରେ ଥିଲେ 

ଅଣନିଃଶ୍ୱାସୀ ହୋଇ ଛାଡେ ଦୀର୍ଘଶ୍ୱାସ 

ମନ ହୁଏ ଯେମିତି ଏକ 

ଅପ୍ରକୃତ ଭଗ୍ନାଂଶ ।

ଅସମୀକରଣର ସମାଧାନ ପାଇଁ

ଏ ମଣିଷ ହୁଏ ବିଚଳିତ 

ତଥାପି ହାରେ ନାହିଁ ସିଏ 

ସମାଧାନ ପାଇଁ

ପ୍ରତିଦିନ କରେ କସରତ।

ସରିଲେ ଆୟୁଷ ହୋଇଯାଏ ଶେଷ

ଛାଡି ଯାଏ ଧରା ପୃଷ୍ଠେ 

ମୁଠାଏ ପାଉଁଶ । 

ସତରେ ଜୀବନଟା ଏକ ଗାଣିତିକ ସୂତ୍ର ।