ଜୀବନରେ ଜୀବନ
ଜୀବନରେ ଜୀବନ
ଜୀବନରେ ଜୀବନ ଆସିଛୁ ତୁ ଏକାରେ
ଆସିଛୁ ଲଙ୍ଗଳା ହୋଇ ଯିବୁ ଶୂନ୍ୟ ହେଇରେ ।
ଜନମ ମୃତ୍ୟୁ ମଧ୍ୟେ ଜୀବନ ତୋ କାଳରେ
ହସ କାନ୍ଦ ଦୁଃଖ କଷ୍ଟେ ସରେ ତୋ ଦିନରେ ।
ଏ ଧନ ସମ୍ପତ୍ତି ତୋର ଜ୍ଞାତି କୁଟୁମ୍ବରେ
ଯିବୁ ନାହିଁ ସାଥେ ନେଇ ଛାଡ଼ିଯିବୁ ମର୍ତ୍ତ୍ୟରେ ।
ଏ ଜୀବନ ବାଟ ସାରା ସଂଘର୍ଷ ବିରୋଧୀ ରେ
କିଞ୍ଚିତେ ଖୁସି ପାଇଁ ଚାଲୁଥିବା ସଂଘର୍ଷରେ ।
ଆଜିର ଏ ଜୀବ ଆତ୍ମା କାଲିକି ତ ନାହିଁରେ
ଯେତେ ବଢ଼ି ବଢ଼ି ଯିବୁ ମୃତ୍ୟୁ ଆଗେ ଥାଏରେ ।
ଦୀପ ଶିଖା ଯେହ୍ନେ ଆମ ଏ ଜୀବନରେ
ସଳିତା ଜଳିବା ଯାଏଁ ଆମେ ବଞ୍ଚିଥିବା ରେ ।
କଷ୍ଟ କଲେ କୃଷ୍ଣ ମିଳେ ଅତୀତରୁ ଲେଖାରେ
ଏ ଜନମେ କଷ୍ଟ କଲେ କୃଷ୍ଣ କୃପା ମିଳେରେ ।
ଏ ଛୋଟ ଜୀବନ ମଧ୍ୟେ ଭିନ୍ନ ଭିନ୍ନ ସ୍ଥିତିରେ
ସବୁ ସ୍ଥିତି ପାରି କରି ଜୀବ ହୁଏ ବୁଢ଼ା ରେ ।
ପିଲାବେଳ ପାର କରି ପହଞ୍ଚେ କୈଶରରେ
ପରେ ଯବାନ ଆଉ ତାପରେ ବୃଦ୍ଧ ରେ ।
ଏ ଜୀବନ ଆମ ଏକ ଅଙ୍କା ବଙ୍କା ରାସ୍ତାରେ
ଚାଲୁଥିବା ଥକିବାନି କରି ସଂଘର୍ଷ ରେ ।
ଭୂତାଣୁର ରୂପ ନେଇ ଆସିଛି ରାକ୍ଷସ ରେ
ହାରିବାନି ଡରି ଲଢ଼ିଯିବା ଦୃଢ଼ ମନ ରେ ।
ତା ପାଇଁ ଜୀବିକା ଆଜି ଭୁଷୁଡ଼ି ପଡ଼ିଛି ରେ
ଖାଇବା ମିଳୁନି କିଛି ମରୁଛନ୍ତି ଭୋକରେ ।
ଯିବା ଆସିବା ଏମିତି ଲାଗି ରହିଥାଏ ରେ
ଏ ଜୀବନର କଷ୍ଟ ଫଳ ସ୍ୱର୍ଗ ପ୍ରାପ୍ତି ହୁଏ ରେ |