ଗରିବର ଗାମ୍ଭୀର୍ଯ୍ୟ

ଗରିବର ଶୁଣ ଗାମ୍ଭୀର୍ଯ୍ୟ ଗାଥା

ସରକାର ଲୋଡେ ଗରିବ ମଥା ।

ଗରିବୀ ହଟିବ ନାରାଟି ଦେଇ

ଭୋଟରଂକୁ ପ୍ରଭାବିତ କରଇ ।

ଗରିବ ବାପୁଡା ଭାଳେ ବିଜନେ 

ଗରିବ ଆହୁରି ଗରିବ ବନେ ।

ଗରିବ ନପାଏ ଥଳ କି କୂଳ

ବୁଡିଗଲା ଗୋଡ ତଳକୁ ତଳ ।

ନିରକ୍ଷରତା'ର  ଅଭିଶାପରେ 

ଶୋଷକ ଜାଲରେ ସେ ଧରା ପଡେ। 

ସାହାଯ୍ୟ କରିବା ବାହାନା ଘେନି 

ଗରିବକୁ ଶୋଷି ଧନୀକ ଧନୀ ।

ଭାଗ୍ୟ ଭଗବାନ କୋଷେ ଗରିବ

ଗରିବ ଗରିବ ହୋଇ ମରିବ ।

ଗରିବୀ ଉପରେ ଲେଖି ସନ୍ଦର୍ଭ

ନୋବେଲ ପାଆନ୍ତି କେତେ ଗର୍ଧଭ। 

ସାଧନା କର୍ତ୍ତବ୍ୟ ତପସ୍ୟା ଫଳେ

ଗରିବ ହୁଅଇ ଧନୀକ କାଳେ !!

କରମ ଲିଖନ ନମାନି ତାକୁ

କର୍ମେ ଫିଙ୍ଗି ଦେବା ଗରିବିଟାକୁ ।