ଜୀବନର ଅନ୍ୟ ନାଁ, କବିତା..

ରେ ଜୀବନ..

ଡହଡହ ଖରା,

ତୁ ଛାଇ ଟିକେ ଆଣି ଦେ,

ତୁ ଚାହିଁବୁ ତ..

ଏ ତାତିରୁ ବି,

ତୁ ଶୀତଳତା ଛାଇ ଦେ..!

ଏ ଦେହରେ ତ, 

ଅନେକ ଗରମ ଉତ୍ତାପ,

ଅସୀମ,ଅସହ୍ୟ,

ଟିକେ ମଧୁରତା ଭରି ଦେ,

ଏ ରାସ୍ତା ବି ତ,

ଅନେକ ଉଚ୍ଚ ନୀଚ୍ଚ ଢିପ,

ତୁ ମସୃଣତା ମାଖି ଦେ..!

ଏ ଯୌବନ..

ତୁ ଚିର ଚଞ୍ଚଳ,

ଟିକେ ସରସତା ବାଣ୍ଟି ଦେ, 

ତୁ ଆକ୍ତା ମାକ୍ତା,

ଚିର ସବୁଜିମା ସୃଜି ଦେ..!

ଏ ଜୀବିକା ବି,

ଦନ୍ତୁରିତ ପଥ,

ସଳଖ,ପ୍ରସ୍ଫୁଟିତ କରି ଦେ,

କଣ୍ଟା ଥିଲେ ବି,

ତୁ ସୁରଭିରେ ଭରି ଦେ..!

ହଁ ରେ ଜୀବନ,

ତୁ ଶବ୍ଦର ସାଗର,

ଢେଉ,ତରଙ୍ଗ ସାଜି ଦେଖ୍,

ଶବ୍ଦ ସୃଜନୀରେ..

ଏ କବିତା ଯେ ଉତ୍ତରିତ,

ଜୀବନ ଲହରୀ,

ଜୀବନର ଅନ୍ୟ ନାଁ..

ଜୀବନ୍ତ କବିତା ଗାଇ ଦେ..!