ଜୀବନର ଅଂଶ

ଜନ୍ମ ଯୌବନ ଆଉ କିଛି ପୁଞ୍ଜି

କଣ ଭାବୁଛ ଏହାହିଁ ଜୀବନ

ଯଦି ଭାବୁଛ ତେବେ 

ଏହା ସମ୍ପୂର୍ଣ୍ଣ ଭାବେ ଭୁଲ ll

ଏହା ବାଦ ବି ଆହୁରି ଅନେକ

କିଛି ଅଛି ଯାହା ତୁମ୍ଭର

ଆଖି ସାମ୍ନାରେ ଥାଇ ବି

ତୁମେ ଦେଖି ପାରୁ ନାହଁ କିମ୍ବା

ନଦେଖିବାର ଅଭିନୟ କରୁଛ ll

ତୁମେ ନିଶ୍ଚିତ ଭାବେ ଜଣେ ସ୍ୱାର୍ଥପର

ନଚେତ ସମ୍ପୁର୍ଣ୍ଣ ଭାବେ ମୋହର 

କବଳରେ ଛନ୍ଦି ହୋଇ ପଡିଛ

ଏହା ଛଡା ଅନ୍ୟ କିଛି ନୁହେଁ ll

ଅନ୍ୟ ମାନଙ୍କୁ ଦେଖ

ସମସ୍ତଙ୍କ ସହ ହୃଦୟରୁ ମିଶ

ସୁଖ ଦୁଃଖରେ ସାଥ ଦିଅ

କାରଣ ସେଥିରେ ଭାରି ରହିଛି ଅପୂର୍ବ ଅନନ୍ଦ

ତାକୁ ହିଁ ଉପଭୋଗ କର ll

ସମସ୍ତଙ୍କୁ ସଦବୁଦ୍ଧି ଦିଅ

ଯିଏ ତୁମର ଆଖି ସାମ୍ନାରେ 

ଅବାଟରେ ଯାଉଛି 

ଦେଖିବ ସେ ବଦଳି ଗଲେ ତୁମେ ମଧ୍ୟ

ଅପୂର୍ବ ଆନନ୍ଦର ଅଧିକାରୀ ହେବ

ଏଥିରେ ସନ୍ଦେହ ନାହିଁ ll

ଅନ୍ୟକୁ ନିଜର ସକ୍ଷମ ଅନୁସାରେ

ସାହାଯ୍ୟ କରିବା ପାଇଁ କେବେ 

ପଛାଇବ ନାହିଁ ଯାହାରକି ତୁମର

ସାହାଯ୍ୟ ନିଶ୍ଚିତ ଭାବେ ଲୋଡ଼ା ll

ସମସ୍ତଙ୍କୁ ସ୍ନେହ ଶ୍ରଦ୍ଧା ଓ ସମ୍ମାନ କର

ଦେଖିବ ସେଥିରୁ ତୁମର ଭାଗ 

ତୁମକୁ ଆପେ ଆପେ ମିଳିଯିବ

ସାବଧାନ କେବେ କାହାକୁ 

ଠକିବା ପାଇଁ ଚେଷ୍ଟା କରିବ ନାହିଁ ll

ଜୀବନରେ ଉଚିତ କର୍ମ କରି

ସଠିକ ମାର୍ଗରେ ପରିଚାଳିତ

ହେବାକୁ ହିଁ ହେବ

ଦେଖିବ ଜୀବନ କେତେ

ସରସ ସୁନ୍ଦର ଭାବରେ ପରିପୂର୍ଣ୍ଣ ହେବ

କାରଣ ଏ ସବୁ ହିଁ 

ବସ୍ତବିକ ଏକ ସୁନ୍ଦର ଜୀବନର ଅଂଶ ll