ଲାଇବ୍ରେରୀ
ପ୍ରୋଫାଇଲ୍
ଜୀବନ ଯେବେ ପରହୁଏ
ଜୀବନ ଯେବେ ପରହୁଏ
1 min
167
କିଏ କହିଥିଲା
ହୃଦୟ ତଳେ ଘରଟିଏ ତୋଳିବାକୁ
କିଏ କହିଥିଲା ସେ ଘରକୁ
କଂକ୍ରିଟରେ ଶକ୍ତକରି ଗଢିବାକୁ,
କିଏ କହିଥିଲା
ଦୁନିଆର ସବୁତକ ରଙ୍ଗ ବୋଳି
ସଜାଇବାକୁ ସେ ଘର,
କେତେଯେ ଜରି ଜମ୍ବୁରା
ଜାତି ଜାତିକା ଫୁଲ
ଖଞ୍ଜିବାକୁ ପ୍ରତି ଅଳିନ୍ଦରେ
କିଏ କହିଥିଲା?
ଏତେସବୁ କଲାପରେ
କେମିତି କହୁଛ
ଭାଙ୍ଗିଯାଉ ସେ ଘର
ନିଜ ହାତରେ ଘସି ଘସି
ବିକୃତ କରୁଛ କାନ୍ଥର ରଙ୍ଗ
ଫିଙ୍ଗି ଦେଉଛ ସବୁତକ ସାଜ ସରଞ୍ଜାମ
କେମିତି ହାତ ଯାଉଛି କେଜାଣି
ହୃଦୟରେ ନିଆଁ ଜାଳି
ସବୁକିଛି ପାଉଁଶ କରୁଛ,
ଜୀବନକୁ ପରକରି ବଞ୍ଚିବ କହୁଛ I
ତୁମପାଇଁ ପ୍ରଶ୍ନଟିଏ ମନରେ ଆସୁଛି
ଏମିତି କରି ତୁମେ କି ଲାଭ ପାଉଛ?
