ଜୀବନ ସିଢ଼ି

କୋଣରେ ବସିକି କାନ୍ଦୁଛୁ କାହିଁ

              କେଉଁ ଡର ତୋର ମନେ ଅଛଇ l

ଭୟ କୁ ଦେ ତୁ ମନରୁ ପୋଛି

                 ପରିଶ୍ରମ ରାସ୍ତା ନେ ତୁ ବାଛି l

ବିନା ପରିଶ୍ରମେ ସଫଳ କେହି

                             ଏହି ଜଗତରେ ହୋଇ ତ ନାହିଁ l

ଆଗକୁ ବଢିବା ପାଇଁକି ତୁହି

               କି ପାଇଁ ମନରେ ଭୟ ସଂଚାଇ l

ଭାଗ୍ୟ ଭଗବାନେ ତୁ ନିନ୍ଦୁ କାହିଁ

            ନିଜକୁ ନିଜେ ତୁ ନ ସଜାଡି ହୋଇ l

ବହୁତ ପାଇବା ଆଶା ରେ ତୁହି

               ହରେଇବା ଭୟ ମନେ ଘୁରଇ l

ହାତଟି ଯାହାର ପାଖରେ ନାହିଁ

                          ଭାଗ୍ୟ ରେଖା ତାର ଆସିବ କାହିଁ l

ପରିଶ୍ରମ ଆଉ ସାଧନା ବଳେ

                       ନିଜ ଭାଗ୍ୟ ନିଜେ ଲେଖଇ ହେଳେ l

କେବେ ଖାଲି ହସ୍ତ ହେବନି ତୋର

                                 ପରିଶ୍ରମ ଫଳ ଚାଖିବୁ ଧୀର l

ପରିଶ୍ରମ କେବେ ବୃଥା ଯାଏନା

                              ଏହି ଛୋଟ କଥା ମନୁ ଭୂଲନା l

ସପନ ଦେଖିକି ଖୋଲା ଆଖିରେ

                             ସାକାର କରତୁ ତାହାକୁ ଧୀରେ l

ସଫଳତା ଶିଢ଼ି ଯେବେ ଚଢ଼ିବୁ

               ହାରିଯିବା ଭୟ ମନୁ ପୋଛିବୁ l

ଥକି ଗଲେ ଟିକେ ବିଶ୍ରାମ ନେବୁ

              କିନ୍ତୁ କେବେ ଧର୍ଯ୍ୟ ତୁ ନ ହାରିବୁ l

ଅତି ଲମ୍ବା ଅଟେ ତୋ ଲକ୍ଷ୍ୟ ପଥ

                              ପଡି ଉଠି ତୁହି ଚଳା ତୋ ରଥ l

ଜୀବନରେ ପ୍ରତି କ୍ଷଣେ ପରୀକ୍ଷା

                        ଦେବାକୁ ହୁଏ ଏ ସତ୍ୟ ର ବ୍ୟାଖ୍ୟା l

ହାରିବା ଜିତିବା ଜୀବନ ଖେଳ

                               ବୁଝିବା ଆଗରୁ ନ ସରୁ ବେଳ l

ସାଗର ଲହରୀ କୂଳକୁ ଛୁଇଁ

                            ପୁଣି ନିଜ ସ୍ଥାନେ ଫେରି ଆସଇ l

କୂଳକୁ ଛୁଇଁ ତୁ ଲହରୀ ପରି

                              ଆଗକୁ ବଢ଼ିବୁ ନ ଆସି ଫେରି l

ଲକ୍ଷ୍ୟ ସ୍ଥଳ କେବେ ବଦଳେ ନାହିଁ

                             କର୍ମ ବଦଳେଇ ଆଗାରେ ତୁହି l

ଜୀବନର ଆଜି ଶେଷଯେ ଦିନ

                               ଏହିକଥା ମନେ ରଖ ନାରଣ l

ପ୍ରତିଟି ମୁହୂର୍ତ୍ତ ଖୁସିରେ ବଞ୍ଚି

                               ଖୁସିର ମଞ୍ଜି ତୁ ଦେରେ ବିଞ୍ଚି l

ପଥରେ ଆସିବ ହଜାରେ କଣ୍ଟା

                                  ସବୁ ପଛକରି ଭିଡ ତୁ ଅଣ୍ଟା l

ସଫଳ ହେବୁ ତୁ ନିଶ୍ଚୟ ଦିନେ

                             ଦୃଢ଼ ବିଶ୍ୱାସ ଓ ଭରସା ପଣେ  l