ଜୀବନ ଓ ମୃତ୍ୟୁ

ଜୀବନ ଖୁଵ ଛୋଟ 

ଏନ୍ତୁଡ଼ିଶାଳାରୁ ମଶାଣି ଯାଏ

ଚେନାଏ ଦୂରତା ମାତ୍ର  ।

କେତୋଟି ମୂହୁର୍ତ୍ତର ସମାହାର

ଯେଉଁ ମୂହୁର୍ତ୍ତ ମାନେ କେତେବେଳେ ଯେ

ଖସିଯାନ୍ତି ସମୟର ହାତମୁଠାରୁ

କେହି ଜାଣି ନଥାଏ

ଏଇ ଅଛି ଏଇ ନାହିଁ

ଜଳର ବୁଦବୁଦ ପରି 

ନିମିଷେ ଯାଏ ସେ ମିଳାଇ ।

ତଥାପି ମଣିଷ ଭଲପାଏ ଜୀବନକୁ

ଆଉ ଜିଇଁବା କୁ

ମିଥ୍ୟା ଅହମିକା ପଛେଧାଉଁ ଥାଏ ।

ମୃତ୍ୟୁ ଏକ ନିଷ୍ଠୁର ସତ୍ୟ

ଏକ ଭୟଙ୍କର ପ୍ରତିଶ୍ରୁତିଟିଏ

ଯାହା କେହି ଫାଙ୍କି ଦେଇ ପାରେନି

ଏମିତି ଆସେ ଆକସ୍ମିକ ଭାବେ

କିଛି ଵୁଝିବା ଆଗରୁ

ଛଡେଇନିଏ ସେଇ ଅନ୍ତରଙ୍ଗ ମୂହୁର୍ତ୍ତଟିକୁ

ଭାଙ୍ଗିଦିଏ ହୃଦୟକୁ

ଦିଏ ଖାଲି ଜନ୍ତ୍ରଣା ।

ଜୀବନର ଶେଷ ରାସ୍ତାଟିଏ

ଯେଉଁ ବାଟେଯାଇ ହୁଏ ସିନା 

ହେଲେ ଫେରି ହୁଏନା

ଏଇ ଆମ ଜୀବନର ଶେଷ ଠିକଣା.....