ଜୀବନ ଖରା ଛାଇ ଖେଳ
ଜୀବନ ଖରା ଛାଇ ଖେଳ
ଜୀବନ ଟା ସୁଖ ଦୁଃଖ
ଖରା ଛାଇ ଖେଳ
କେବେ ବହେ ଝାଞ୍ଜି କେବେ
ମଳୟ ସମୀର ।
ରଙ୍ଗ ବୋଳେ ଦେହେ କେବେ
ପ୍ରୀତିର ଫଗୁଣ
ପୁଣି କେବେ ସ୍ଵପ୍ନ ଧିଏ
ଲୁହର ଶ୍ରାବଣ ।
ଦିନ ସତ ରାତି ସତ
ଆଲୁଅ ଅନ୍ଧାର
ଦୁଃଖ ବିନା ଅନୁଭବ
ନୁହଁଇ ସୁଖର ।
ସୁଖ ଆସେ ଦୁଃଖ ଆସେ
ସମୟ ର ଗତି
ଚାଲି ଜନ୍ତି ଯେଝା ବାଟେ
ଛାଡି ନିଜ ସ୍ମୃତି ।
ସୁଖ ଏଠି ସ୍ଥାୟୀ ନୁହେଁ
ଦୁଃଖ କି ରହିବ
ଶ୍ରାବଣ ବି ବହିଯିବ
ଫଗୁଣ ଫେରିବ ।
ତେଣୁ ଆରେ ବାଇ ମନ
ନ ହୁଅ ଅଧୀର
ସୁଖ ଦୁଃଖ ଖରା ଛାଇ
ବିଧାତା ବିଚାର ।