ଜୀବନ ଗୀତ
ଜୀବନ ଗୀତ
ମିଛ ମାୟା ଏତ ସୁନାର ସଂସାର
ମିଛ ଅଟେ ମୋହ ମମତା
ଜନମି ଆଇଛୁ ଧରତୀକୁ ଯଦି
ଦିନେ ଏଠି ତୋର ଜଳିବ ଚିତା
କେତେ ପୁଣ୍ୟ ବଳେ ଏ ମହୀ ମଣ୍ଡଳେ
ମଣିଷ ହୋଇ ତୁ ଜନମ ନେଲୁ
ପର ହିଂସା ରାଗ ରୋଷ କେତେ କରି
ଅମଣିଷ ହୋଇ ଜୀବନ ନେଲୁ
ଦୁଇ ଦିନ ତୋର ମଣିଷ ଜନମ
ଆଜି କେତେ କଥା କାଲିକୁ ନାହିଁ
ପାପୀ, ଅପରାଧୀ, ବଲାତ୍କାରୀ ହୋଇ
ଅମୁଲ୍ୟ ଜୀବନ ସାରିବୁ କାହିଁ
ଆସିଅଛୁ ଏକା ଯିବୁ ତୁ ଏକା ରେ
ଭୁଲିବୁନି ଏହି ସତ୍ୟ ବାରତା
ପର ଉପକାରେ ଦିନ କାଟିଥିଲେ
ରହିବୁ ଅମର ଜାଣି ରଖିଥା