ଜୀବନ ଏକ ରଙ୍ଗମଞ୍ଚ
ଜୀବନ ଏକ ରଙ୍ଗମଞ୍ଚ
ଶିଖିବାକୁ ହୁଏ ଜୀବନର କଳା
ବଞ୍ଚିବା ନାମ ଜୀବନ
ଅଭିନୟ ଛାଡି ବଞ୍ଚିହୁଏ ନାହିଁ
ଗ୍ରାସଇ କାଳ ମରଣ ।
ମାତା ପିତା ପୁତ୍ର କନ୍ୟା ଦାରା ପତି
ଭଗିନୀ ବନ୍ଧୁ ସୋଦର
ନାଟକରେ ଥାଏ ଭୂମିକା ବିଭିନ୍ନ
ଚରିତ୍ର ମହାନ ଖଳ ।
ସମୟ ପ୍ରବାହେ ଉଠଇ ପରଦା
ବାଜେ ବାଦ୍ୟ ମାଙ୍ଗଳିକ
ନାଲି ଟୁକୁଟୁକୁ ଶିଶୁ ଓଠେ ହସ
ଆଲୋକ ଆଶା ଝଲକ ।
ଖେଳେ ଲୁଚକାଳି ଆଶା ଅସୁମାରୀ
ଘାରେ ମାୟା ମରିଚୀକା
ନିରାଶ ଅନ୍ଧାର ତପ୍ତ ମରୁବାଲି
ଆସଇ ଜୁଆର ଭଟ୍ଟା ।
ଜୀବନ ସ°ଗ୍ରାମ ଚାଲେ ଅବିରାମ
ପରାଜୟ କେବେ ଜୟ
ଆଗକୁ ପଛକୁ ଧା°ଏ ଉଠିପଡି
ଯାତ୍ରା ହୁଏ ଅହରହ ।
ଜନ୍ମରୁ କୈଶୋର ନବ ଯଉବନ
ଗ୍ରାହସ୍ଥ ପ୍ରୈ।ଢ଼ ବାର୍ଦ୍ଧକ୍ୟ
ଅଭିନୀତ ହୁଏ ପ୍ରତି ଅଙ୍କ ଦୃଶ୍ୟ
ଶେଷେ ଯବନିକା ପାତ ।
ସ°ସାର ବିଷୟ ନିଷ୍ଠୁର ମଧୁର
କେବେ ବୀରରସ ଶୈ।ର୍ଯ୍ୟ
ରଙ୍ଗ ମଞ୍ଚ ଏକ ମଣିଷ ଜୀବନ
କାରୁଣିକ ଅତ୍ୟାଶ୍ଚର୍ଯ୍ୟ ।