ବିଦାୟ ବେଦନା

ବିଦାୟର ନାମ      ଧରନା ଗୁରୁହେ

     ବିଦାୟର ନାମ ଧରନା;

କହିଲେ ବିଦାୟ     କାନ୍ଦୁଛି ହୃଦୟ

     ଦିନ ରାତି କରେଁ ଭାବନା 

          ବିଦାୟର ନାମ ଧରନା |

ଅତୀତର ସେହି     ହସଖୁସି ଦିନ

     କେବେ ତାହା ଭୁଲି ହୁଏନା;

ଜଗାଇ ସ୍ମୃତି       ଜଳାଇ ଛାତି

     ବଢାଏ ମନର ବେଦନା 

          ବିଦାୟର ନାମ ଧରନା |

ଚନ୍ଦ୍ରଠୁ କେବେବି    କିରଣ ଯେସନେ

     ଦୂର ବୋଲି ସେତ ଭାବେନା;

ତେସନେ ହେ ଗୁରୁ   ଯେତେ ଦୂରେ ଥିଲେ

     ଆମକୁ ତ ଭୁଲି ଯିବ ନା 

          ବିଦାୟର ନାମ ଧରନା |

ମିଳନର ପରେ     ଆସଇ ବିଦାୟ

     ଏହା ତ ବିଧାତା ରଚନା;

ହେଉ ସୁଖମୟ     ଜୀବନ ତୁମରି

     କରୁଅଛୁ ଶୁଭକାମନା 

          ବିଦାୟର ନାମ ଧରନା |