ଜୀବନ ଏକ ଦୀର୍ଘ ଗଣିତ
ଜୀବନ ଏକ ଦୀର୍ଘ ଗଣିତ
ଗଣିତ ପାଠରେ ସୂତ୍ର ପ୍ରୟୋଗରେ
ସମାଧାନ ବାଟ ସିନା ପ୍ରାପତ
ସମସ୍ୟା ବହୁଳ ସୁଖଦୁଃଖ ଠୁଳ
ଜୀବନଟା ପରା ଦୀର୍ଘ ଗଣିତ ।
ମିଶାଣ ଫେଡାଣ ଗୁଣନ ହରଣ
କରି କରି ନିତି ଚାଲେ ମଣିଷ
କେଉଁଠି ଟିକିଏ ତ୍ରୁଟି ରହିଗଲେ
ଯେତେ କଷିଲେ ବି ହୁଏନି ଶେଷ ।
ଦୃଢ଼ ମନୋବଳ ଧଇର୍ଯ୍ୟ ପ୍ରବଳ
ପାଖେ ରଖି ଯେବେ କଷିଚାଲଇ
ସମୟ ବି ଯେତେ ଦୀର୍ଘ ହୋଇଥାଉ
ନଥକି ଗଣିତ ସରଳ ହୋଇ ।
ସମାଧାନ ସୂତ୍ର ଯେବେ ମିଳୁଥାଏ
ହରଷରେ ମନ କୁରୁଳୁଥାଇ
ଭୁଲି ଯାଉଥିଲେ ଉତ୍ତର ନ ମିଳେ
ପରିଶ୍ରମ ସବୁ ବୃଥା ହୁଅଇ ।
ତଥାପି ମଣିଷ ପ୍ରତି ନିଃଶ୍ବାସରେ
ବିଶ୍ବାସ ସାଥିରେ ତୋଳିକି ଘର
ସଫଳ ବିଫଳ ତଉଲି ତଉଲି
ଚାଲିଥାଏ ପରା ସେ ନିରନ୍ତର ।