ଜୀବନ ଏକ ଭଗ୍ନାଂଶ
ଜୀବନ ଏକ ଭଗ୍ନାଂଶ
ଅସୀମିତ ଜୀବନ ଏକକ
ପୂର୍ଣ୍ଣତା ପରିପ୍ରକାଶେ ଚଳମାନ
ଭଗ୍ନ ସଂଖ୍ୟା ଅବା ଦଶମିକ
ବିନ୍ଦୁ ପରେ ତାର ସ୍ଥାନ ପୁନଃପୁନଃ
ଦୃଶ୍ୟ କେବେ ଅଥବା ଅଦୃଶ୍ୟ ।
କେବେ ହୁଏ ଯୋଗାନ୍ତର
ଉତ୍ପାଦକେ ହରଣ ଗୁଣନ,
ସମାନ ବା ସମାନ୍ତର ସାଦୃଶ୍ୟରେ
ପ୍ରତିଫଳେ ତା ନିଷ୍କର୍ଷ ଅବା ସମାଧାନ ।
ବେଳେ ବେଳେ ଓଲମବିଲୋମ ହୁଏ
ଜୀବନର ଉପପାଦ୍ୟ
ଯେତେ ସବୁ ଗାଣିତିକ ସୂତ୍ର ,
ବହୁଘାତ ପ୍ରତିଘାତ ଜଟିଳ ପ୍ରକ୍ରିୟା ସବୁ
ମୁଣ୍ଡଟାକୁ କରେ ଗୋଳମାଳ,
ବନ୍ଦ କରି ଅଙ୍କ କଷା
ପଢ଼ିବାକୁ ଭଲଲାଗେ କବିତା ସାହିତ୍ୟ
ମୁଦିହୁଏ ଆଖିପତା ଶୁଣି ଗୁଣି
ସୁମଧୁର ମିଠା ବଂଶୀ ସ୍ୱନ ।
----