ଲାଇବ୍ରେରୀ
ପ୍ରୋଫାଇଲ୍
ଝରଣା
ଝରଣା
1 min
249
ଭାରି ଫୁଲେଇ ଝରଣା ମୋର
ନାକ ଅଗରେ ତମରି ରାଗ
କଥା, କଥାରେ ହସି ତ ଦିଅ
ମନରେ ବାନ୍ଧ ବହୁ ସରାଗ .....
ଭାରି ଅଝଟି ଫୁଲେଇ ମୋର
ନାମଟି ତୁମ ଝରଣା ରାଣୀ
ତୁମେ ତ ମୋର ଗଳାରେ ହାର
ତୁମେ ମୋର ସୁନା ବାୟାଣୀ .....
ଭାରି କଥା କୁହା ଭାରି ସେନେହି
ଭାରି ଜିଦିଆ ଅଝଟୀ ରାଣୀ
ଭାରି ଚଗଲି ଭାରି ଗେଲେହି
କାନ୍ଦି ପକାଅ କଥାକୁ ଶୁଣି .......
ତୁମେ ପରା ମୋର ନେତ୍ର ଦୁଇ
ତୁମେ ହସିଲେ ମୋ ମନ ହସେ
ତୁମେ ରୁଷେଲେ ମୁହିଁ ତ ରୁଷେ
ତୁମରି ପାଇଁ ମୁଁ ପରା ବାସେ .....
