Library
Profile
ଝରକା ସେ ପାଖେ
ଝରକା ସେ ପାଖେ
ଝରକା ସେ ପାଖେ ଦୂର ଦିଗବଳୟ
ଚାହିଁଲେ ଆଖି ପାଏନି
ଘଟି ଗଲେ ଯାହା ସାକ୍ଷୀ ରୂପେ ଦେଖୁ
କିଛି ବି କରି ହୁଏନି ।
ଆଖି ଦେଖୁଥାଏ ପହଂଚି ପାରେନି
ଭାଙ୍ଗି ଶକ୍ତ ବାଡ ଲୁହା
ଖୁସି ହେଉ ଅବା ଦୁଃଖ ହୋଇଥାଉ
ଜୁଳୁ ଜୁଳୁ ଦେଖ ତାହା ।
ଝରକା ଏ ପାଖେ କେତେଯେ ଭାବନା
ରହିଯାଏ ଭାବନାରେ
ପହଂଚି ପାରେନା ଘଟଣା ସ୍ଥଳରେ
ଝରକାର ସେ ପାଖରେ ।
କେତେ ଯେ ଘଟୁଛି ଅନ୍ୟାୟ ଦୁର୍ନୀତି
ଆଖି ଦେଖି ରହିଯାଏ
ଦୁର୍ନୀତି ବାଲାର ଚାରିପଟେ ଶକ୍ତ
ବାଡ ପରା ଘେରିଥାଏ ।
ଆଖିରେ ଦେଖିବ ସବୁ ଲୁଟୁ ଥିବେ
ଝରକାର ସେଇ ପାଖେ
ଆଖି ଜୁଳୁ ଜୁଳୁ ଦେଖୁଥିବ ସବୁ
ରହି
ଝରକା ଏ ପାଖେ ।
ଆଇନର ହାତ ବହୁତ ଲମ୍ବା ଟି
ବାନ୍ଧି ଥାଏ ସମସ୍ତଙ୍କୁ
କ୍ଷମତା ବାଲାତ ବାନ୍ଧି ଥାନ୍ତି ହାତେ
ଦେଶେ ଥିବା ଆଇନକୁ ।
ଦୋଷ କରି କିଏ ନିର୍ଦୋଷ ହୁଅଇ
କ୍ଷମତାର ଅପବ୍ୟୟ
ନିର୍ଦୋଷଟା ଏଠି ଦଣ୍ଡ ପାଇଥାଏ
ଆଇନ କରି ପାଥେୟ ।
ଜନତା ରୁହନ୍ତି କ୍ଷମତା ଏ ପାଖେ
ସେ ପାଖେ କ୍ଷମତା ଧାରି
ଦୋଷକୁ ନିର୍ଦୋଷ କରିବା ପାଇଁକି
ସବୁ ବଳ ଦ୍ୟନ୍ତି ସାରି ।
କେତେବେଳେ କିଏ ତୁଣ୍ଡକୁ ଖୋଲିଲେ
ବଳ ଠାରୁ ଅର୍ଥ ଯାଏ
ତଣ୍ଟିଆଣ କରି ଏମିତି ବାନ୍ଧନ୍ତି
କ୍ଷଣକେ ବଦଳି ଯାଏ ।
ସେ ପାଖରେ ଥାଇ ସେମାନେ ଖାଆନ୍ତୁ
ଏ ପାଖେ ଆମେ ଦେଖିବା
ଆମ ଧନ ଖାଇ ଅଧର୍ମ ଅରଜି
ସ୍ଵର୍ଗରେ ଏକାଠି ହେବା ।
