ଜହ୍ନରେ ରହିବ ଆମ ଠିକଣା
ଜହ୍ନରେ ରହିବ ଆମ ଠିକଣା
କେତେ ବୁଦ୍ଧିମାନ ବିଜ୍ଞ ପ୍ରାଜ୍ଞ ପୁଣି ଜ୍ଞାନୀ ଗୁଣୀ
ଆଜିର ଏ ନୂତନ ପିଢି,
ନିମିଷକେ ଯାଇ କେଉଁଠି ପହଞ୍ଚି କେଉଁ ଠାରୁ
ସେ ଆସନ୍ତି ବାହୁଡି।
ନୃବାନର ବେଳେ ବା ପରବର୍ତ୍ତୀ କାଳେ
ଜହ୍ନକୁ ନେଇ କେତେ କାହାଣୀ,
ସେହି ଜହ୍ନ ଆଜି ବୈଜ୍ଞାନିକଙ୍କର
ହୋଇଛି ସାଇତା ଖଣି।
ପରୀକ୍ଷା ନିରୀକ୍ଷା ଅବ୍ୟାହତ ପୁଣି
କେ ବାସ ପାଇଁ କରନ୍ତି ଯୋଜନା,
କେତେ ଯାନ ଯାଇ ଆସିଲେଣି ଫେରି
ଦିଅନ୍ତି ଜହ୍ନ ଠିକଣା।
ଜହ୍ନ ଅନ୍ୟନାମ ଚନ୍ଦ୍ର ଯେ ଅଟଇ
ତା ନାମେ କେତେ କଳ୍ପନା,
ପୃଥିବୀରେ ଆଉ ଇଚ୍ଛା ହେଉନାହିଁ
ଜହ୍ନରେ ରହିବ ଆମ ଠିକଣା।