ଜହ୍ନ ମାମୁଁ ଘରେ ଭାରତ ଦେଶ

ଜହ୍ନ ମାମୁଁ ଘରେ ଭାରତ ଦେଶ

              ଦକ୍ଷିଣ ମେରୁରେ କଲା ପ୍ରବେଶ l

ଥାପିଛି ସେ ପାଦ ଜହ୍ନ ରାଇଜେ

              ଖୁସିରେ ସଂସାର ଆଜି ଗରଜେ l

ଚନ୍ଦ୍ରୟାନ-ଦୁଇ ଥିଲା ବିଫଳ

             ତୃତୀୟ ପ୍ରୟାସେ ହେଲା ସଫଳ l

ସଫ୍ଟ ଲ୍ୟାଣ୍ଡିଂରେ ବିକ୍ରମ ଲ୍ୟାଣ୍ଡର

             ପ୍ରଜ୍ଞାନ ରୋଭର ହେଲା ବାହାର l

ଜହ୍ନ ମାମୁଁ ଦେଶେ ଗୋଟିଏ ଦିନ

                ଚଉଦ ଦିନର ତାର ଭ୍ରମଣ l

ଦବ ଯଦି କେବେ ଜଳ ସନ୍ଧାନ

               ଜୀବ ଜଗତର ହେବ ଉତ୍ପନ l

ଖଣିଜ ପଦାର୍ଥ କେତେଯେ ଅଛି

               ପାଣି ପାଗ ଏବେ ସବୁ କହୁଛି l

ରଚିଲା ସଂସାରେ ଅନେକ ନାମ

             ବିଦେଶରୁ ମିଳେ କେତେ ସୁନାମ l

ଇସ୍ରୋ ବୈଜ୍ଞାନିକ ଆମ ମହାନ

               ଚନ୍ଦ୍ରମା ରହସ୍ୟ ପାଇବା ଜାଣ l

ପୁରାଣ ଲେଖାଟା ଥିଲା ବିଶ୍ୱାସ

              ରାହୁ କେତେ ଥର କରିଛି ଗ୍ରାସ l

ଦେଇଥିଲା ଦିନେ ଠେକୁଆ ଝାସ

              ଦିଶୁଥିଲା ଆମେ ତାହାର ନିଶ l

ଦେଖିଲୁ ଠେକୁଆ ସେଠାରେ ନାହିଁ

              ଦିଶୁଅଛି ସତେ ଟାଙ୍ଗରା ଭୂଇଁ l

ବଡ ବଡ଼ ଗର୍ତ୍ତ ସେଠାରେ ଅଛି 

               ଶୁଣୁ ଏଲୀଆନ ଲୁଚି ବସିଛି l

ସତ ମିଛ ସବୁ କରି ପ୍ରକାଶ 

              ବିକ୍ରମ ପ୍ରଜ୍ଞାନ ଦେବେ ସଦେଶ l

ଧନ୍ୟ ଧନ୍ୟ ଆମ ଇସ୍ରୋ ବିଜ୍ଞାନୀ

            ଆଜି ସଂସାରରେ ଶ୍ରେଷ୍ଠ ସୁଜ୍ଞାନୀ ।

ଉଡିଲା ତ୍ରିରଙ୍ଗା ଜହ୍ନ ରାଇଜେ

             ଭାରତ ଦେଶର ସୁନାମ ବାଜେ l