ବିଦାୟ ୨୦୨୪

ଶୁଣ ଶୁଣ ତୁମେ ଆମ ଚବିଶି 

            ଅର୍ଦ୍ଧ ରାତ୍ର କାହିଁ ଯାଉଛ ଖସି ।

ବୟସରେ ଥିଲ ସବୁଠୁ ବେଶି 

           ଦେଇଥିଲ ସୁଖ ଦୁଃଖ ପରଷି ।

ସୁଖରେ କରିଲ ଅନେକ ରଜା 

          ଦୁଃଖ ଦୁର୍ଦ୍ଦଶାରେ କାହାକୁ ସଜା।

ଛଡାଇଲ କାହିଁ ଆମ ଆତ୍ମୀୟ

        ଭାଙ୍ଗିଦେଲ ସତେ କେତେ ହୃଦୟ ।

ମନ ଭୁଲାଇଲ ବିଭିନ୍ନ ଢଙ୍ଗେ

          ଭରିଲ ଜୀବନ ଫଗୁଣ ରଙ୍ଗେ ।

ସଂସାରେ ଆଜିତ ଯିଏ ଆସୁଛି 

         ଶେଷରେ ବିଦାୟ ସିଏ ନେଉଛି ।

ସେହି ରୂପେ ତୁମେ ଯାଉଛ ଚାଲି 

        ପଚିଶି ଭାଇ ମୋ ଆସିଲା ବୋଲି ।

ସୁଖ ଦୁଃଖ ଭରା ସ୍ମୃତିକୁ ନେଇ 

           ବିଦାୟ ଦେଉଛୁ ତୁମକୁ ଭାଇ ।