ଝିଅ ଜନ୍ମଦିନ
ଝିଅ ଜନ୍ମଦିନ
ଝିଅ ଜନମ ପର ଘରକୁ ଦୂରେ
ଦେଲି ମୁଁ ବାହା
ରାଜ କୁମାରେ ସଅଁପି ଦେଲି
ସୁନ୍ଦର ତାର ଗାଆଁ l
କିଛି ନ ନେଲା ସେମିତି ଗଲା
କହିଲା ଶୁଣ ବାପା
ମୋତେ ପା ତୁମେ କରିଛ ଯୋଗ୍ୟ
ଚିନ୍ତା କରୁଛ କିମ୍ପା l
ଦୁର ବିଦେଶେ କେଉଁଠି ଯାଇ
ରଚିଛି ତାର ନୀଡ଼
ପାଞ୍ଚ ବରଷ ଗଲାଣି ବିତି
ଖାଲି ପଡ଼ିଛି କୋଡ଼ l
ଘେନ ମିନତି ଗ୍ରାମ ଦେବତୀ
ମାଆଲୋ ବରୁଣେଇ
ରାଧା ରମଣ ନୋହି କୃପଣ
କୋଳ ଦିଅ ପୁରେଇ l
ଝରାଏ ଲୁହ ଅମା ପୁନିଅଁ
ଝୁରେ ମୁଁ ଦିନ ରାତି
କରୁଣାମୟୀ ମୋ ଝିଅ ଜୋଇଁ
ସୁଖରେ ନିଶ୍ଚେ ଛନ୍ତି l
ଯେ ବେଳେ ଗଲା ମୋତେ କହିଲା
ଯାଉଛି ଘୋର ବନେ
ମୋ ବାପ ମାଆ ରହିବେ ଆହା
ଚିର କାଳେ ମୋ ମନେ l
କେତେ ବୁଝାଇ କହିଲି ମୁହିଁ
ଶୁଣଲୋ ମୋର ରାଣୀ
ଶାଶୁ ଶଶୁର ସେବା କରିବୁ
ଦେବତା ତାଙ୍କୁ ମଣି l
ଶୁଣ ସମୁଦୀ ମୋ ସମୁଦୁଣୀ
ଝିଅ ମୋ ଅଲିଅଳି
ତାଙ୍କୁ ବୁଝାଇ କହିଲି ମୁହିଁ
କେବେ ଦେବନି ଗାଳି l
ଆଜି ତାହାର ଜନମ ଦିନ
ମନ ବୁଝଇ ନାହିଁ
ଝିଅଟି ମୋର ଦୁର ବିଦେଶେ
କେମିତି ଥିବ ରହି ।
ଯେଉଁଠି ଅଛି ମାଆଟି ମୋର
ସୁଖରେ ରହିଥାଉ
ଶ୍ରୀଜଗନ୍ନାଥ କରୁଣା ହସ୍ତ
ତା ଶିରେ ସଦା ରହୁ l