ସିନ୍ଦୂର

ଏ ଟୋପାଏ ସିନ୍ଦୂର

ବଦଳେଇ ଦେଲା ଜୀବନ

ବାନ୍ଧି ଦେଲା ତୁମ ସହ

ହୃଦୟ ଓ ମନ ।

ଆତ୍ମିୟତାର ପୁଣ୍ଯ ସ୍ପର୍ଶରେ ସେ

ଦୃଢ କଲା ବନ୍ଧନ 

ଅର୍ଦ୍ଧାଂଗିନୀ ହେଲି ତୁମର 

ହେଲି ପରିପୂର୍ଣ୍ଣ ।

ସିଏ ହେଲା ମୋ ପାଇଁ 

ପ୍ରଥମ ଭୂଷଣ

ତା ବିନା ସିନ୍ଥି ସତେ

ଲାଗେ ଶୂନ୍ୟ ଶୂନ୍ୟ ।

ଦୁହିତାରୁ ହେଲି ବୋହୁ 

ବିଶ୍ବାସର ମଞ୍ଜିଟିଏ ପୋତି

ସେଇ ଆଜି ପରମ ଆୟୁଧ 

ଭରିଦିଏ ଶାନ୍ତି ।

ସେଇ ସିନ୍ଦୁର ଟୋପାଏ 

ସାତ ଜନ୍ମ ପାଇଁ ସାକ୍ଷୀ

କହିଦିଏ କାନେ କାନେ

ମୁଁ ତମର ସଖୀ ।

ଶାଶ୍ବତ ସୁନ୍ଦର ସେତ

ଜୀବନର ପ୍ରାପ୍ତି 

ମୁକ୍ତିର ପ୍ରତୀକ ସିଏ

ପରମ ଗତି ଆଉ ମୁକ୍ତି ।