ଜଗତର ନାଥ

ଲୀଳାମୟ ହରି   ମଂଚେ ଅବତରି 

    ନୀଳାଚଳେ କର ଲୀଳା

ପୂର୍ଣ୍ଣବ୍ରହ୍ମ ସେତ   ଜଗତେ ବିଖ୍ୟାତ 

    ବିଜେ ନେଇ ଷୋଳ କଳା

ସଂପର୍କର ଡୋରି   ଭକତକୁ ଭିଡି

     ଟାଣିଆଣେ ଦୂର ଦେଶୁ

ଚକା ନୟନରେ    ଚକ୍ଷୁ ମିଶିଗଲେ 

     ଚକିତେ ତୁହି ଭରଷୁ

ନୀଳଚକ୍ର ନେତ    ପାପଛଡା ବେତ

      ଜୟ ଜଗନ୍ନାଥ ଡାକ

ହଜିଯାଏ ଦେହ    କରି ଅବଗାହ

      ସୁମରି ଭୁଷଣ୍ଡି କାକ

ଖିରିପୁରି ଛାଡି    ତୋ ଟଂକ ତୋରାଣୀ

      ପିଇବାକୁ ପ୍ରାଣ ଚାହେଁ 

ତୋ ଛଡା ତୁଳସୀ   ହେଉ ପଛେ ବାସୀ

      ଆନ କିଛି ଲୋଡା ନୁହେଁ

ତୁଣ୍ଡର ଲାଳସା    ଅବଢା କଣିକା

      ନାହିଁ ଜାତି ନାହିଁ ଗୋତ୍ର

ଉଚ୍ଚିଷ୍ଟ ନବାରି     ତୁଣ୍ଡେ ଦେଲେ ମାରି

      ହୋଇଯାଏ ସିଏ ମିତ୍ର

କଳ୍ପବଟ ମୂଳେ     କଳପନା ତୋଳେ 

      ଜୀବ ଯିବା ବେଳେ ଜଗା

ଦରଶନ ଦେବୁ     ଲୀନ କରାଇବୁ

     ଛିଡାଇ ଭବର ପଘା