ଜଗନ୍ନାଥ ତୁମେ ଲାଗ ଉଦାସ

ଜଗନ୍ନାଥ ତୁମେ ଲାଗ ଉଦାସ

ଶ୍ରୀ ମୁଖ ତୁମର ସୁଖୀ ତ ଯାଇଛି

ରଙ୍ଗ ଅଧରେ ନାହିଁ ହସ

ଜଗନ୍ନାଥ ତୁମେ ଲାଗ ଉଦାସ

କେଉଁ ଅପରାଧ ଜଗତରେ କଲି

ବିରସ ମୁଖକୁ ତୁମର ଦେଖିଲି

ଭାବଗ୍ରାହି ତୁମ ଭାବରେ ତ ଥିଲି

ସଂସାର ମୟାରେ ବୁଡି ମୁ ଗଲି

ସୁନ୍ଦର ବଦନ ମଉଳି ଯାଇଛି

କୁହ କାହିଁ କଲ ରୋଷ

ଜଗନ୍ନାଥ ତୁମେ ଲାଗ ଉଦାସ

ତୁମରି ଭାବରେ ମତେ ବାନ୍ଧି ଦେଲ

ତୁମରି ଚରଣେ ମୋ ମନ ରଖିଲ

ମିଛ ଦୁନିଆ ରେ ନିଜର ଲାଗିଲ

ଆପଣର ତୁମେ କରି ତ ନେଲ

ତୁମ ଦିବ୍ୟ ତେଜ ମୋତେ ନ ଦିଶୁଛି

କରିଅଛି କିବା ଦୋଷ

ଜଗନ୍ନାଥ ତୁମେ ଲାଗ ଉଦାସ