ଜଗଦଗୁରୁ

ଗର୍ଭାଶୟେ ଥାଇ ଶିଶୁ

ଦେଖେ ନାରାୟଣ

ଦର୍ଶନେ ତୃପ୍ତ ଲଭଇ

ଗର୍ଭାଶୟେ ପ୍ରାଣ l

ଆତ୍ମା ପରମାତ୍ମା ସଙ୍ଗେ

ହୁଏ ସେଠି ଭେଟ

ଜନ୍ମ ମାତ୍ରେ ଶିଶୁ ମନ

ହୁଅଇ ଉଚ୍ଚାଟ l

କାହିଁ ଗଲା କାହିଁ ଗଲା

ଡାକେ କୁଆଁ କୁଆଁ

ପ୍ରଥମ ଗୁରୁଟି ତେଣୁ

ଦୟାମୟ ସାହା l

ଭୁମିରେ ପଡିଲେ ମାତା

ଅତି ସ୍ନେହ ଭରେ

ଲାଳନ ପାଳନ କରି

ସର୍ବ ଦୁଃଖ ହରେ l

ଚାଲିବାଠୁ ଶିକ୍ଷାଦାନ

ଦିଅଇ ସଂସ୍କାର

ଦ୍ଵିତୀୟ ଗୁରୁ ଅଟନ୍ତି

ପିତାମାତା ମୋର l

ତୃତୀୟ ଗୁରୁ ଦିଅନ୍ତି

ଶିକ୍ଷାଦାନ ମୋତେ

ଯାହା ଦ୍ୱାରାପୂଜା ପାଏ

ମୁଁ ଏହି ଜଗତେ l

ଚତୁର୍ଥ ଗୁରୁ ତ ଦୀକ୍ଷା

ଦେଇ ହ୍ୱନ୍ତି ସାହା

ଭୁଲିଥିବା ରୂପକୁ ସେ

ଅଗ୍ରେ କରେ ଠିଆ l

ସେ ଗୁରୁ କୃପାରୁ ଆମେ

ହେଉ ମୋକ୍ଷ ପ୍ରାପ୍ତ

ସଦଗୁରୁ ଅଟନ୍ତି ସେତ

ସରଗକୁ ବାଟ l

ଅର୍ଜୁନ ଓ ଉପମନ୍ୟୁ

କର୍ଣ ଏକଲବ୍ୟ

ଗୁରୁ କରି ଉପକୃତ

ହୋଇଛନ୍ତି ଭଵ l

ସର୍ବପଲ୍ଲୀ ରାଧା କ୍ରିଷ୍ଣ

ସେପ୍ଟେମ୍ବର ପାଞ୍ଚ

ପାଳନ କରନ୍ତି ସର୍ବେ

ହୋଇ ମନେ ତୋଷ l

ନିଜ ଜନ୍ମ ତିଥିକୁ ସେ

ଶିକ୍ଷକ ଙ୍କୁ ଦାନ

ଶିକ୍ଷକ ଦିବସ ରୂପେ

କରିଦେଲେ ଗଣ୍ୟ l

ଜଗଦଗୁରୁ ଅଟନ୍ତି ତ

ଜଗତ ଇଶ୍ୱର

ସବୁ ଗୁରୁଙ୍କର ପଦେ

ମୋର ନମସ୍କାର l