ଜାତୀୟ ପତାକା ଆମ ପ୍ରତୀକ

ଜାତୀୟ ପତାକା ଆମ ପ୍ରତୀକ

ଗୌରବ କେତନ ଗାରିମା ଟେକ ।

ତିନୋଟି ରଙ୍ଗରେ ଦିଶେ ରଙ୍ଗୀନ 

କେଡେ ମନୋହର ହେଲେ ଉଡ୍ଡିନ ।

ଜାତି ଧର୍ମ ବର୍ଣ୍ଣ ନିର୍ବିଶେଷରେ 

ସମାନତା ସ୍ଥାପେ ଏ ସମାଜରେ ।

ଜାତୀୟ ସଂହତି ଐକ୍ୟ ସୁରକ୍ଷା

କରେ ଅବିରତ ଏହି ପତାକା ।

ସତ୍ୟ, ଶାନ୍ତି ନ୍ୟାୟ , ମୈତ୍ରୀ ଏକତା

ମନ୍ତ୍ରରେ ମନ୍ତ୍ରୀତ କରେ ପତାକା ।

ପିଙ୍ଗଳୀ ଭଙ୍କିଆଙ୍କ ଉଦ୍ଭାବିତ

ତିନି ରଙ୍ଗେ ଚାରୁ ଶୋଭା ମଣ୍ଡିତ ।

ନାରଙ୍ଗୀ ଶ୍ବେତ ଓ ସବୁଜ ବର୍ଣ୍ଣ

ଘେନ ମନୋହର କି ଶୋଭାବନ ।

ଆକର୍ଷି ନିଅଇ ମନ ନୟନ

କରଇ ସବୁଠି ମନ ରଂଜନ ।

ମଧ୍ୟେ ରାଜେ ନୀଳ ଅଶୋକ ଚକ୍ର

ଶୁଭ୍ର ବର୍ଣ୍ଣ କୋଳେ ସୁଷମା ଚିତ୍ର । 

କେଡେ ଚମତ୍କାର ଦିଶେ ରୁଚିର

ଏଇ ପତାକାକୁ ପ୍ରଣାମ କର ।

ସ୍ୱାଧୀନ ଭାରତ ଜାତୀୟ ଚିହ୍ନ

ତ୍ରିରଙ୍ଗା କେତନ କେଡେ ଶୋଭନ ।

ଜାତୀୟ ପତାକା ଆମ ପ୍ରତୀକ

ତ୍ରିରଙ୍ଗା ଜାତୀୟ ଗୌରବ ଟେକ ।