ଜାତୀୟ ପଶୁ
ଜାତୀୟ ପଶୁ
ଜାତୀୟ ପଶୁ ମୁଁ ଅଟେ ଭାରତର
ମୋ ନାମ ଶ୍ରବଣେ ମନେ ଜାଗେ ଡର
ବାସସ୍ଥାନ ମୋର ହୋଇଲାଣି ନଷ୍ଟ
ସ୍ଥାନାଭାବେ ମୁହିଁ ଲଭେ ବହୁ କଷ୍ଟ।
ଆପଣା ସ୍ବାର୍ଥରେ ବାଇଆ ମଣିଷ
ବଣ ପରିବେଶ କରିଚାଲେ ନାଶ
ଯହିଁ ଥିଲା ତରୁ ତହିଁ ଚାଷ ଜମି
ସଂଖ୍ୟା ମୋର ଦ୍ରୁତ ବେଗେ ଯାଏ କମି।
ଜଙ୍ଗଲକୁ ଛାଡ଼ି ହେଲି ଗାଆଁ ମୁହାଁ
ମଣିଷ ରାଗରେ ଜଳି ହେଲା ନିଆଁ
ଆକ୍ରମଣ କରି କରିଲା କ୍ଷତାକ୍ତ
ତନୁରୁ ଝରଇ ପୁଳା ପୁଳା ରକ୍ତ।
ଫଟୋଚିତ୍ର ଦେଖି ଶିଶୁଏ ଚିହ୍ନିବେ
ବାଘ ନାଶ ଗଲା ସଭିଏଁ କହିବେ।