ପରିବର୍ତ୍ତନ

ଜୀବନ ହେବନି ଶେଷ

ଗୋଟିଏ ଫଗୁଣରେ ।

ଫୁଲ ଫୁଟି ଜୀବନି ମଉଳି

ଗୋଟିଏ ବସନ୍ତରେ ।

ସବୁ ଋତୁ ଯିବେ ବଦଳି

ମୌସୁମୀ ଗଲାଣି ହଜି ।

ଖୋଜିଲେ ମିଳୁନି

ଲାଲ ଟୁକୁ ଟୁକୁ ସାଧବ ବୋହୁ ।

ଉଦିତ ସୁରୁଜ

ଅପରାହ୍ନରେ ଅସ୍ତଗାମୀ

ସବୁକିଛି ଯାଉଛି ବଦଳି ।

ପରିବର୍ତ୍ତନ ହେଉଛି

ପ୍ରକୃତିର ନିୟମ

ସମୟ ଚାଲିଛି ତାହାର ପଥେ ।

କାଲି ଯାହା ଥିଲା ଆଜି ନାହିଁ

ଆଜି ଯାହା ଅଛି

ନଥିବ ଆସନ୍ତା କାଲି ।

ସମୟର ସାଥେ ସାଥେ

ବଦଳୁଛି ଜୀବନ ଚକ୍ର

ଆଜି ଶୈଶବ ତ କାଲି ବାର୍ଦ୍ଧକ୍ୟ ।

ଦିନ ବାର ଋତୁ ରୁପ ରଙ୍ଗ

ଭାଷା ଆଶା ଆଭିଳାଶା

କଥା ବ୍ୟଥା ଚିନ୍ତା ଅନୁଚିନ୍ତା ।

ସବୁ ପରିବର୍ତ୍ତନ କୁ

ଆମେ ନେଉଛୁ ମାନି ।

ଆସୁଥିବା ଅନ୍ଧକାର

ଯିବ ଅପସରି

ପୂର୍ଣ୍ଣମୀର ତୋଫା ଜହ୍ନରେ

ଆଲୋକିତ ହେବ ଧରଣୀ ।

ପରିବର୍ତ୍ତନକୁ ନକରି ଦ୍ୱିଧା

ଚାଲ ନେବା ଆପଣାଇ ।