ଲକ୍ଷ ଭ୍ରଷ୍ଟ ବୁଦ୍ଧି

କାଦମ୍ବରୀ ପାନକରି ଶ୍ରୀକୃଷ୍ଣ ଙ୍କ

ଯଦୁବଂଶୀ ଧ୍ୱଂସ ହେଲେ,

ଦେବ ଅଂଶେ ସୃଷ୍ଟ ଆତ୍ମା ହୋଇ ମଧ୍ୟ

ନିଶାରେ ପରାସ୍ତ ହେଲେ ।

ବୁଦ୍ଧି ନାଶ କରି ବିବେକ ସଂହାରୀ

ନିଶା ଯେ ପିଶାଚ କଲା,

ଭାରତ ବରଷ ଆଯ୍ୟଭୂମି ମୁନି

ଋଷି ର ସମ୍ପଦ ଥିଲା ।

ସଭ୍ୟ ଶିକ୍ଷିତ ଓ ସାଧନା ତପସ୍ୟା

ସବୁ ବିପରୀତ ହେଲା,

ନିଶାର ପ୍ରସାରେ ହିଂସା ର ପ୍ରାବଲ୍ୟ

ଦେଶ ପାଇଁ କାଳ ହେଲା ।

ବିବେକ ଆମର ନିଶାଗ୍ରସ୍ତ ହେଲା

ବୁଦ୍ଧି ହେଲା ଲକ୍ଷଭ୍ରଷ୍ଟ ,

ବ୍ୟଭିଚାରୀଙ୍କର ତାଣ୍ଡବ ରେ ଆଜି

ଦେଶ ହେଲା ନଷ୍ଟଭ୍ରଷ୍ଟ ।

ନାରୀମାନଙ୍କର ଯାତନା ଯନ୍ତ୍ରଣା

ଅନ୍ତର୍ଦାହେ ବିଡମ୍ବିତ,

ରାଜାସ୍ୱ ଭରଣା ହୋଇଲେ କି ହେବ

ଜନତା ଏ ହନ୍ତସନ୍ତ ।

ସାମାଜିକ ସ୍ଥିତି ଦୁର୍ବଳ ହେଉଛି

ବୌଦ୍ଧିକତା ହୁଏ ଲୁପ୍ତ,

ରିହାତି ଭୋଜନ ନିଶା ସେବନ ରୁ

ବାଚାଳ ମାନଙ୍କ ଜାତ।

ଏ ଦୃଷ୍ଟାନ୍ତ ଦେଖି କେଉଁ ପିତାମାତା

କନ୍ୟାଟିଏ କୁ ଲୋଡିବେ,

ବିକାଶ ଯୋଜନା ବାଟବଣା ହୋଇ

ସୃଷ୍ଟି ଧ୍ୱଂସମୁଖୀ ହେବ ।