ଲାଇବ୍ରେରୀ
ପ୍ରୋଫାଇଲ୍
ତା ସାଥେ ଖେଳନା
ତା ସାଥେ ଖେଳନା
1 min
163
ଖେଳନା ଖେଳନା
ତା ସାଥେ ଖେଳନା
ନୁହେଁ ସେ ଗୋଟେ ଖେଳନା
ଆଣିବାକୁ ତତେ
ସଂସାରକୁ ସିଏ
ସହିଛି କେତେ ଯାତନା
ଖେଳନା ଖେଳନା........
ଗର୍ଭେ ତତେ ଧରି
ସହିଛି ସେ ଦୁଃଖ
ଦଶମାସ ଦଶ ଦିନ
ଜନ୍ମ ଦେଇ ତତେ
ବଞ୍ଚାଇବା ପାଇଁ
କରାଇଛି ସ୍ତନ୍ୟପାନ
ସ୍ତନ୍ୟପାନ ମୂଲ
ଦେଇ ନପାରିଲୁ
ଖେଳିଲୁ ତା ସାଥେ
ତାକୁ କରି ଖେଳନା
ଖେଳନା ଖେଳନା......
ତା ଛାତି ଅମୃତ
ପାନ କରି କରି
ହୋଇଗଲୁ ତୁ ପୁରୁଷ
ପୁରୁଷତ୍ୱ ପାଇ
ଅନ୍ଧ ହୋଇ ତୁହି
କାମନାରେ ହେଲୁ ବଶ
ବିବେକ ହୁଡ଼ିଲୁ
ବୁଦ୍ଧି ହଜାଇଲୁ
ନାରୀକୁ ଭାବୁ ଖେଳନା
ଖେଳନା ଖେଳନା......
ତା ରୂପ ଯୌବନେ
ପାପ ଦୃଷ୍ଟି ଦେଲୁ
ମୋ କଥା ଭାବିଲୁ ନାହିଁ
ଶୋଷିଲୁ ତା ରକ୍ତ
ପିଶାଚ ହୋଇଣ
ମାଆ ନୁହେଁକିରେ ସେହି
ଖେଳନାରେ ବାବୁ
ତା ସାଥିରେ କେବେ
ନୁହେଁ ସେ ତୋର ଖେଳନା
ଖେଳନା ଖେଳନା.......।
